Ulttyq statistika biýrosynyń málimetinshe, 2020 jyldyń jeltoqsanymen salystyrǵanda, 2024 jyldyń qarashasynda jańa páterlerdiń baǵasy 43,2%-ǵa, al ekinshi naryqtaǵy páterlerdiń quny 50,2%-ǵa ósken, dep habarlaidy Dalanews.kz.
Ranking.kz aqparatynsha, 2024 jyly Qazaqstanda turǵyn úi satyp alýǵa suranys aitarlyqtai artqan. Qańtar-qarasha ailaryndaǵy kórsetkish boiynsha, elde 382,9 myń turǵyn úi satyp alý-satý mámilesi tirkeldi. Bul ótken jyldyń osy kezeńimen salystyrǵanda 15,1%-ǵa kóp.
Mámilelerdiń 85,2 myńy jeke úilerge (jyldyq ósim – 1,1%), al 297,7 myńy kópqabatty úilerdegi páterlerge (ósim – 19,8%) qatysty jasalǵan.
Eń kóp satyp alý-satý mámileleri Almaty men Astana qalalarynda tirkeldi. Almatyda – 74,9 myń, al Astanada – 67 myń. Úzdik bestikke Qaraǵandy oblysy (30 myń), Almaty oblysy (20,7 myń) jáne Mańǵystaý oblysy (19 myń) kirdi.
Eń joǵary ósim Batys Qazaqstan oblysynda (42,3%-ǵa), Almatyda (27,8%-ǵa), Shymkentte (24,9%-ǵa), Almaty oblysynda (21,5%-ǵa) jáne Astanada (20,7%-ǵa) baiqaldy.
Turǵyn úige degen suranystyń sebebi
Qazaqstandyqtar úidi turý maqsatynda ǵana emes, investitsiia retinde de satyp alady. Al keibireýi ekeýin de ushtastyryp jatady. Turǵyn úi naryǵy elimizde uzaq merzimdi eń senimdi investitsiialardyń biri bolyp sanalady.
Mysaly, 2020 jyldyń jeltoqsanynan 2024 jyldyń qarashasyna deiingi kezeńde jańa úilerdiń baǵasy 43,2%-ǵa, al ekinshi naryqtaǵy úilerdiń quny 50,2%-ǵa artqan. Almaty, Astana jáne Shymkent qalalarynyń mysalynda turǵyn úi baǵasynyń uzaq merzimde únemi ósip otyrǵanyn baiqaýǵa bolady.
Sapaly qurylys kompaniialary – tabysty investitsiianyń kepili
Turǵyn úige qarjy salýda qurylys kompaniiasyn durys tańdaý – basty faktorlardyń biri. Sebebi Qazaqstanda qujatsyz qurylys júrgizetin nemese óz mindettemelerin oryndamaityn qurylysshylar áli de kezdesedi.
Elimizdiń eń iri qurylys kompaniialarynyń biri – 30 jyldyq tájiribesi bar BI Group. Kompaniia segiz elde innovatsiialyq jobalardy júzege asyrady. Ol AIX jáne KASE qor naryqtarynda ókildik etedi, al onyń jumysy jyl saiyn KPMG sekildi "úlken tórttik" aýditorlarynyń tekserisinen ótedi. BI Group – álemdegi jetekshi ENR Top 250 Global Contractors reitingine engen jalǵyz qazaqstandyq qurylys holdingi (173-oryn). 30 jyl ishinde holding 8,5 mln sharshy metrden astam turǵyn úi jáne infraqurylym nysandaryn salǵan.
Sondai-aq BAZIS-A, RAMS Qazaqstan jáne Exclusive Qurylys kompaniialary da senimdi qurylysshylar qatarynda.
Qazaqstandyqtar eldegi senimdi qurylys kompaniialary arqyly sheteldegi jyljymaityn múlikke de qarjy sala alady. Jaqynda BI Group álemdegi eń qarqyndy damyp jatqan naryqtardyń biri – Dýbaida jobalaryn iske qosyp, jyljymaityn múlik satýdy bastady. 2024 jyly bul naryqtyń kólemi 115 mlrd AQSh dollaryna jetedi dep boljanýda, al 2028 jylǵa qarai ol 170 mlrd dollarǵa deiin ósýi múmkin.
Sondai-aq BI Group AQSh naryǵyna shyǵyp, jergilikti Habitat Group developerimen seriktesip, biyl úsh turǵyn úi keshenin – Season One, Parkside jáne Millux Place jobalaryn bastaýdy josparlap otyr.
Osylaisha, qazaqstandyqtar investitsiia úshin jyljymaityn múlikke qarajat salý arqyly táýekelderdi barynsha azaita otyryp, turaqty tabys tabýǵa múmkindik aldy.
