ۇلتتىق ستاتيستيكا بيۋروسىنىڭ مالىمەتىنشە، 2020 جىلدىڭ جەلتوقسانىمەن سالىستىرعاندا، 2024 جىلدىڭ قاراشاسىندا جاڭا پاتەرلەردىڭ باعاسى 43،2%-عا، ال ەكىنشى نارىقتاعى پاتەرلەردىڭ قۇنى 50،2%-عا وسكەن، دەپ حابارلايدى Dalanews.kz.
Ranking.kz اقپاراتىنشا، 2024 جىلى قازاقستاندا تۇرعىن ءۇي ساتىپ الۋعا سۇرانىس ايتارلىقتاي ارتقان. قاڭتار-قاراشا ايلارىنداعى كورسەتكىش بويىنشا، ەلدە 382،9 مىڭ تۇرعىن ءۇي ساتىپ الۋ-ساتۋ مامىلەسى تىركەلدى. بۇل وتكەن جىلدىڭ وسى كەزەڭىمەن سالىستىرعاندا 15،1%-عا كوپ.
مامىلەلەردىڭ 85،2 مىڭى جەكە ۇيلەرگە (جىلدىق ءوسىم – 1،1%)، ال 297،7 مىڭى كوپقاباتتى ۇيلەردەگى پاتەرلەرگە (ءوسىم – 19،8%) قاتىستى جاسالعان.
ەڭ كوپ ساتىپ الۋ-ساتۋ مامىلەلەرى الماتى مەن استانا قالالارىندا تىركەلدى. الماتىدا – 74،9 مىڭ، ال استانادا – 67 مىڭ. ۇزدىك بەستىككە قاراعاندى وبلىسى (30 مىڭ)، الماتى وبلىسى (20،7 مىڭ) جانە ماڭعىستاۋ وبلىسى (19 مىڭ) كىردى.
ەڭ جوعارى ءوسىم باتىس قازاقستان وبلىسىندا (42،3%-عا)، الماتىدا (27،8%-عا)، شىمكەنتتە (24،9%-عا)، الماتى وبلىسىندا (21،5%-عا) جانە استانادا (20،7%-عا) بايقالدى.
تۇرعىن ۇيگە دەگەن سۇرانىستىڭ سەبەبى
قازاقستاندىقتار ءۇيدى تۇرۋ ماقساتىندا عانا ەمەس، ينۆەستيسيا رەتىندە دە ساتىپ الادى. ال كەيبىرەۋى ەكەۋىن دە ۇشتاستىرىپ جاتادى. تۇرعىن ءۇي نارىعى ەلىمىزدە ۇزاق مەرزىمدى ەڭ سەنىمدى ينۆەستيسيالاردىڭ ءبىرى بولىپ سانالادى.
مىسالى، 2020 جىلدىڭ جەلتوقسانىنان 2024 جىلدىڭ قاراشاسىنا دەيىنگى كەزەڭدە جاڭا ۇيلەردىڭ باعاسى 43،2%-عا، ال ەكىنشى نارىقتاعى ۇيلەردىڭ قۇنى 50،2%-عا ارتقان. الماتى، استانا جانە شىمكەنت قالالارىنىڭ مىسالىندا تۇرعىن ءۇي باعاسىنىڭ ۇزاق مەرزىمدە ۇنەمى ءوسىپ وتىرعانىن بايقاۋعا بولادى.
ساپالى قۇرىلىس كومپانيالارى – تابىستى ينۆەستيسيانىڭ كەپىلى
تۇرعىن ۇيگە قارجى سالۋدا قۇرىلىس كومپانياسىن دۇرىس تاڭداۋ – باستى فاكتورلاردىڭ ءبىرى. سەبەبى قازاقستاندا قۇجاتسىز قۇرىلىس جۇرگىزەتىن نەمەسە ءوز مىندەتتەمەلەرىن ورىندامايتىن قۇرىلىسشىلار ءالى دە كەزدەسەدى.
ەلىمىزدىڭ ەڭ ءىرى قۇرىلىس كومپانيالارىنىڭ ءبىرى – 30 جىلدىق تاجىريبەسى بار BI Group. كومپانيا سەگىز ەلدە يننوۆاسيالىق جوبالاردى جۇزەگە اسىرادى. ول AIX جانە KASE قور نارىقتارىندا وكىلدىك ەتەدى، ال ونىڭ جۇمىسى جىل سايىن KPMG سەكىلدى "ۇلكەن تورتتىك" اۋديتورلارىنىڭ تەكسەرىسىنەن وتەدى. BI Group – الەمدەگى جەتەكشى ENR Top 250 Global Contractors رەيتينگىنە ەنگەن جالعىز قازاقستاندىق قۇرىلىس حولدينگى (173-ورىن). 30 جىل ىشىندە حولدينگ 8،5 ملن شارشى مەتردەن استام تۇرعىن ءۇي جانە ينفراقۇرىلىم نىساندارىن سالعان.
سونداي-اق BAZIS-A، RAMS Qazaqstan جانە Exclusive Qurylys كومپانيالارى دا سەنىمدى قۇرىلىسشىلار قاتارىندا.
قازاقستاندىقتار ەلدەگى سەنىمدى قۇرىلىس كومپانيالارى ارقىلى شەتەلدەگى جىلجىمايتىن مۇلىككە دە قارجى سالا الادى. جاقىندا BI Group الەمدەگى ەڭ قارقىندى دامىپ جاتقان نارىقتاردىڭ ءبىرى – دۋبايدا جوبالارىن ىسكە قوسىپ، جىلجىمايتىن مۇلىك ساتۋدى باستادى. 2024 جىلى بۇل نارىقتىڭ كولەمى 115 ملرد اقش دوللارىنا جەتەدى دەپ بولجانۋدا، ال 2028 جىلعا قاراي ول 170 ملرد دوللارعا دەيىن ءوسۋى مۇمكىن.
سونداي-اق BI Group اقش نارىعىنا شىعىپ، جەرگىلىكتى Habitat Group ديەۆەلوپەرىمەن سەرىكتەسىپ، بيىل ءۇش تۇرعىن ءۇي كەشەنىن – Season One، Parkside جانە Millux Place جوبالارىن باستاۋدى جوسپارلاپ وتىر.
وسىلايشا، قازاقستاندىقتار ينۆەستيسيا ءۇشىن جىلجىمايتىن مۇلىككە قاراجات سالۋ ارقىلى تاۋەكەلدەردى بارىنشا ازايتا وتىرىپ، تۇراقتى تابىس تابۋعا مۇمكىندىك الدى.
