2026 jyldyń basynda Qazaqstannyń jyljymaıtyn múlik naryǵy joǵary bazaǵa shyqty. Bastapqy turǵyn úıdiń baǵasy bir jyl ishinde 15–17%-ǵa ósip, ınflásıa deńgeıinen asyp tústi. Al kóktem mezgili dástúrli túrde naryqtaǵy belsendilikti kúsheıtip, baǵaǵa 3–5% ústeme qosýy múmkin. Bıyl bul úrdis salyq jáne retteýshi ózgerister aıasynda jalǵasyp otyr, dep habarlaıdy Dalanews.kz.
Qurylys salasynyń sarapshysy, Qazaq Expert Club ókili Dılára Seıitnurovanyń pikirinshe, baǵanyń jyldyq ósimine birneshe negizgi faktor áser etken: 2026 jyldan bastap jańa qurylystarǵa 16% QQS engizilýi, qurylys materıaldary qymbattaýy jáne qarjylandyrý quny artýy. Sonymen qatar, developerler jańa jobalardy naryqqa saqtyqpen shyǵaryp otyr, bul da usynys shektelýine yqpal etedi.
Sarapshynyń aıtýynsha, májbúrlep shyǵarý erejelerine qatysty ózgeristerdi talqylaý qaıtalama naryqtaǵy ınvestorlar belsendiligin tómendetip, suranystyń bir bóligin bastapqy naryqqa baǵyttaýy múmkin.
Ipotekalyq mólsherlemeler joǵary bolýyna (18-22%) qaramastan, naryqty "Otbasy bankiniń" jeńildetilgen baǵdarlamalary qoldap otyr. Kóktemde bul faktorǵa depozıtter boıynsha memlekettik syıaqy tólenýi qosylady. Sonyń nátıjesinde naýryzda baǵa ósimi ekonom jáne komfort klass segmentterinde, sonyń ishinde Almaty men Astanada 36 mln teńgege deıingi páterlerde baıqalýy yqtımal.
Al qaıtalama naryqta kerisinshe toqyraý qaýpi saqtalady. Bıznes jáne elıt sanatyndaǵy turǵyn úıler jeńildetilgen ıpoteka yqpalynan tys qalyp otyr.
