Tokendelgen ipotekalyq baǵaly qaǵazdardy iske qosý ekonomikanyń naqty sektorynda tsifrlyq quraldardy paidalanýǵa múmkindik bermek, dep jazady Dalanews.kz.
"Bul quraldyń jergilikti qor naryǵynda paida bolýy Qazaqstanda tsifrlyq qarjy aktivterin (TsQA) damytýdaǵy mańyzdy qadam bolady" dep Ls saity "Finamnyń" strategiialar jónindegi direktory Iaroslav Kabakovtyń sózin keltiredi. Ol búginderi ótken jyldan bastap engizilgen AHQO arqyly retteý júiesi esebinen osyndai quraldardy shyǵarý úshin quqyqtyq negiz qalyptastyrylyp jatqanyn eske salady.
"Tokendeý úshin blokcheindi paidalaný mámilelerdiń ashyqtyǵyna, ákimshilik shyǵyndardyń tómendeýine jáne álemdik trendterge sáikes protsesterdi jedeldetýge yqpal etedi. Al ipotekalyq baǵaly qaǵazdardy tokendeý jergilikti jáne sheteldik investorlardy tarta otyryp, ótimdilikke qoljetimdilikti keńeitedi jáne tsifrlyq quraldardyń ekonomikanyń naqty sektoryna integratsiialaýǵa yqpal etedi", – dep atap ótti Kabakov.
"Finamnyń" ókili bul bastama elimizdiń innovatsiialyq qarjy ortalyǵy retindegi ustanymyn nyǵaityp, TsQA-nyń odan ári damýyn yntalandyrady dep sanaidy. Bul qural sharttaryna sáikes, Bazel-III standarttaryna sáikestikti, blokchein platformalaryn paidalanýdy, kepildikke qoiylǵan zattyń naqty qunyn esepke alýdy jáne emitentterge jeńildikterdi qamtidy, bul obligatsiialardy bankter úshin tartymdy ete túsedi.
Sonymen qatar, Kabakov mundai quraldar baǵaly qaǵazdar naryǵynyń ósimi, tokenizatsiia artyqshylyqtary men memlekettik qoldaýdyń arqasynda Qazaqstan qor naryǵynda joǵary suranys áleýetine ie ekenin aitady.
"Joǵary bazalyq mólsherleme men infliatsiiaǵa qaramastan, retteýshilerdiń korporativtik nesielendirýdi yntalandyrý sharalary bul faktorlardy jeńildetýi múmkin", – dep atap ótti sarapshy.
Sondai-aq ol elimizde tsifrlyq qarjylyq aktivterdiń damýyna yqpal etetin basqa quraldarǵa da toqtala ketti. Olardyń ishinde kriptovaliýtalar men steiblkoinder, jasyl jáne áleýmettik obligatsiialar, sindikattalǵan zaemdar jáne AHQO-nyń retteýshi "qumsalǵyshy" da bar. Onyń pikirinshe, bul elementter qadaǵalaý sharalarymen, tehnologiialyq sheshimdermen jáne naryqtyq suranyspen birge elimizdegi tsifrlyq qarjylyq aktivter úshin turaqty ekojúieni quraidy.
"Tokendelgen ipotekalyq obligatsiialardyń iske qosylýy otandyq qarjy naryǵyn tsifrlandyrý úshin katalizator bolady. Alaida onyń jetistigi retteýshi sharalardy, tehnologiialyq infraqurylymdy jáne investorlarmen bilim berý jumysyn sinhrondaýǵa bailanysty aiqyndalady. AHQO men jeke investorlar tájiribesi damýdyń oń perspektivalaryn kórsetip otyr", - dep esepteidi ol.
Qarjy naryǵyn retteý jáne damyttý agenttigi bul rette búginderi Ulttyq bankpen, AHQO-men jáne basqa organdarmen birlesip, ainalymǵa tsifrlyq qarjy aktivterin engizý máselesin talqylap jatqandaryn atap ótti.
"Osynyń sheńberinde tsifrlyq qarjy aktivterin retteý tártibin, sondai-aq tokenizatsiialanǵan baǵaly qaǵazdardy shyǵarý jáne olardy ainalymǵa shyǵarý erekshelikterin aiqyndaityn zańnamalyq túzetýlerdiń jalpy tujyrymdamasy pysyqtalýda", - deidi quzyrly vedomsvto.
Aita ketsek, bul mazmunda saitymyzda "Kriptovaliýtany birjadan tys satý zańdastyrylmaq: UB steiblkoin týrasynda ne deidi" degen material jariialanǵan bolatyn.
