Mınıstrdiń sózinshe, bıotehnolog Dos Sarbasov Qazaqstanǵa oralǵan.
"Ol Tehas ýnıversıtetiniń Anderson zerthanasynda jumys istedi. Birneshe jyldan beri Nazarbaev ýnıversıtetiniń ulttyq zerthanasyn basqarady. Qazirgi tańda onkologıaǵa qarsy jańa preparattardy shyǵarýmen aınalysyp jatyr", - dedi mınıstr.
Onyń aıtýynsha, búginde Qazaq onkologıa jáne radıologıa ǵylymı-zertteý ınstıtýtynda 15 adam qazaqstandyq preparatpen emdelip jatyr.
"Biz birden 4-5 jyl únemdep, úshinshi kezeńge kóshtik, jaqyn arada isikke qarsy dárimiz shyǵady", - dedi mınıstr.
