ءمينيستردىڭ سوزىنشە، بيوتەحنولوگ دوس سارباسوۆ قازاقستانعا ورالعان.
"ول تەحاس ۋنيۆەرسيتەتىنىڭ اندەرسون زەرتحاناسىندا جۇمىس ىستەدى. بىرنەشە جىلدان بەرى نازاربايەۆ ۋنيۆەرسيتەتىنىڭ ۇلتتىق زەرتحاناسىن باسقارادى. قازىرگى تاڭدا ونكولوگياعا قارسى جاڭا پرەپاراتتاردى شىعارۋمەن اينالىسىپ جاتىر"، - دەدى مينيستر.
ونىڭ ايتۋىنشا، بۇگىندە قازاق ونكولوگيا جانە راديولوگيا عىلىمي-زەرتتەۋ ينستيتۋتىندا 15 ادام قازاقستاندىق پرەپاراتپەن ەمدەلىپ جاتىر.
"ءبىز بىردەن 4-5 جىل ۇنەمدەپ، ءۇشىنشى كەزەڭگە كوشتىك، جاقىن ارادا ىسىككە قارسى ءدارىمىز شىعادى"، - دەدى مينيستر.
