Qazaqstanda alǵash ret burynǵy sýdia zeinetaqy tólemi men qurmetti mártebesinen aiyryldy. Qyzylorda oblysynyń burynǵy sýdiasy Moldabek Ahmetov sot oryndaýshysyna qatysty agressivti áreket kórsetkeni úshin barlyq artyqshylyqtarynan aiyrylǵan, dep habarlaidy dalanews.kz.
Málimetke sáikes, Joǵary Sot Keńesiniń usynysy negizinde Qazaqstan prezidenti Moldabek Ahmetovti ómir boiy tólenetin ai saiynǵy 500 myń teńge kólemindegi qamsyzdandyrýdan jáne sýdialardyń mártebesi týraly konstitýtsiialyq zańda kózdelgen kepildikterden aiyrǵan, dep jazady "Ýralskaia nedelia" basylymy.
Oqiǵa burynǵy sýdia men qyzmettik mindetin atqaryp júrgen sot oryndaýshysy arasynda bolǵan. Sot oryndaýshysynyń talaptary Ahmetovtiń narazylyǵyn týǵyzyp, ol ashýǵa berilgen. Sot oryndaýshysy ózine aitylǵan qorlaityn sózder men agressivti áreketterdi uialy telefon kamerasyna túsirmek bolǵan kezde, Ahmetov onyń qolyndaǵy smartfondy julyp alyp, kýálardyń kózinshe jerge uryp syndyrǵan.
Osydan keiin sot oryndaýshysy Qyzylorda oblysyndaǵy Sýdia ádebi jónindegi komissiiaǵa shaǵym túsirgen.
Komissiia músheleri burynǵy áriptesiniń áreketin sýdialyq ádep talaptaryna sai kelmeitin teris qylyq dep baǵalaǵan. Keiin bul sheshim memleket basshysyna joldanǵan.
Nátijesinde Moldabek Ahmetovtiń kásibi qyzmettegi burynǵy jetistikteri men alǵan marapattary ony jaýapkershilikten qutqara almady. Prezident jarlyǵymen ol zeinetaqy tóleminen, qurmetti mártebesinen jáne buryn berilgen artyqshylyqtarynan aiyryldy.
Aita keteiik, Moldabek Ahmetovtiń uly Álibek Ahmetov qazirgi ýaqytta Aqtóbe oblystyq sotynyń qylmystyq ister jónindegi sot alqasyn basqarady.
