قازاقستاندا العاش رەت بۇرىنعى سۋديا زەينەتاقى تٶلەمٸ مەن قۇرمەتتٸ مەرتەبەسٸنەن ايىرىلدى. قىزىلوردا وبلىسىنىڭ بۇرىنعى سۋدياسى مولدابەك احمەتوۆ سوت ورىنداۋشىسىنا قاتىستى اگرەسسيۆتٸ ەرەكەت كٶرسەتكەنٸ ٷشٸن بارلىق ارتىقشىلىقتارىنان ايىرىلعان, دەپ حابارلايدى dalanews.kz.
مەلٸمەتكە سەيكەس, جوعارى سوت كەڭەسٸنٸڭ ۇسىنىسى نەگٸزٸندە قازاقستان پرەزيدەنتٸ مولدابەك احمەتوۆتٸ ٶمٸر بويى تٶلەنەتٸن اي سايىنعى 500 مىڭ تەڭگە كٶلەمٸندەگٸ قامسىزداندىرۋدان جەنە سۋديالاردىڭ مەرتەبەسٸ تۋرالى كونستيتۋتسييالىق زاڭدا كٶزدەلگەن كەپٸلدٸكتەردەن ايىرعان, دەپ جازادى "ۋرالسكايا نەدەليا" باسىلىمى.
وقيعا بۇرىنعى سۋديا مەن قىزمەتتٸك مٸندەتٸن اتقارىپ جٷرگەن سوت ورىنداۋشىسى اراسىندا بولعان. سوت ورىنداۋشىسىنىڭ تالاپتارى احمەتوۆتٸڭ نارازىلىعىن تۋعىزىپ, ول اشۋعا بەرٸلگەن. سوت ورىنداۋشىسى ٶزٸنە ايتىلعان قورلايتىن سٶزدەر مەن اگرەسسيۆتٸ ەرەكەتتەردٸ ۇيالى تەلەفون كامەراسىنا تٷسٸرمەك بولعان كەزدە, احمەتوۆ ونىڭ قولىنداعى سمارتفوندى جۇلىپ الىپ, كۋەلاردىڭ كٶزٸنشە جەرگە ۇرىپ سىندىرعان.
وسىدان كەيٸن سوت ورىنداۋشىسى قىزىلوردا وبلىسىنداعى سۋديا ەدەبٸ جٶنٸندەگٸ كوميسسيياعا شاعىم تٷسٸرگەن.
كوميسسييا مٷشەلەرٸ بۇرىنعى ەرٸپتەسٸنٸڭ ەرەكەتٸن سۋديالىق ەدەپ تالاپتارىنا ساي كەلمەيتٸن تەرٸس قىلىق دەپ باعالاعان. كەيٸن بۇل شەشٸم مەملەكەت باسشىسىنا جولدانعان.
نەتيجەسٸندە مولدابەك احمەتوۆتٸڭ كەسٸبي قىزمەتتەگٸ بۇرىنعى جەتٸستٸكتەرٸ مەن العان ماراپاتتارى ونى جاۋاپكەرشٸلٸكتەن قۇتقارا المادى. پرەزيدەنت جارلىعىمەن ول زەينەتاقى تٶلەمٸنەن, قۇرمەتتٸ مەرتەبەسٸنەن جەنە بۇرىن بەرٸلگەن ارتىقشىلىقتارىنان ايىرىلدى.
ايتا كەتەيٸك, مولدابەك احمەتوۆتٸڭ ۇلى ەلٸبەك احمەتوۆ قازٸرگٸ ۋاقىتتا اقتٶبە وبلىستىق سوتىنىڭ قىلمىستىق ٸستەر جٶنٸندەگٸ سوت القاسىن باسقارادى.
