Iran ainalasyndaǵy ahýal shielenise túsken tusta Qazaqstannyń salmaqty ári ustamdy ustanymy nazar aýdartady. Astana ótkir málimdemelerden boiyn aýlaq ustap, diplomatiialyq tepe-teńdikti saqtaýǵa basymdyq berip keledi.
Qazaqstan úshin bul múdde neni bildiredi? Osy suraqqa halyqaralyq qatynastar jónindegi Qazaq Expert Club sarapshysy Merýet Shákirova jaýap berdi, dep habarlaidy Dalanews.kz.
Sarapshynyń aitýynsha, Qazaqstan eń aldymen Iranmen diplomatiialyq dialog úzilmeýine múddeli. Sebebi Iran - óńirdegi mańyzdy saýda seriktesterdiń biri. Ulttyq statistika derekterine súiensek, keiingi jyldary eki el arasyndaǵy taýar ainalymy 300–500 mln dollar aralyǵynda saqtalyp keledi. Al saiasi jáne logistikalyq jaǵdai qolaily bolsa, bul kórsetkishti 600–700 mln dollarǵa deiin arttyrýǵa múmkindik bar. Qazaqstan Iranǵa negizinen aýyl sharýashylyǵy ónimderin - astyq, un jáne basqa da taýarlardy eksporttaidy. Sonymen qatar, metallýrgiia men munai-himiia salasynyń keibir ónimderi de jetkiziledi. Iran ishindegi nemese syrtqy saiasattaǵy turaqsyzdyq eksport pen tasymal tizbegine tikelei qaýip tóndiredi.
Ekinshi mańyzdy faktor - Irannyń "Soltústik–Ońtústik" halyqaralyq kólik dálizindegi orny. Bul marshrýt Resei, Qazaqstan, Iran, Úndistan jáne Parsy shyǵanaǵy elderin bailanystyrady. Jobanyń jalpy uzyndyǵy - shamamen 7 myń shaqyrym, al jyldyq ótkizý múmkindigi 25–30 mln tonnaǵa deiin jetýi múmkin. Qazirgi naqty tasymal kólemi 15–20 mln tonna shamasynda. Bul áleýet tolyq paidalanylmai otyrǵanyn kórsetedi. Qazaqstan úshin bul dáliz syrtqy saýdany ártaraptandyrýǵa ári dástúrli baǵyttarǵa táýeldilikti azaitýǵa jol ashady.
Úshinshiden, Iran - Kaspii mańy elderiniń biri. Qazaqstan úshin Kaspii aimaǵy ekonomikalyq turǵydan airyqsha mańyzdy. Munai eksportynyń shamamen 70 paiyzy osy baǵyt arqyly ótedi, al Kaspii qubyr konsortsiýmy qazaqstandyq munaidyń 80 paiyzyna jýyǵyn álemdik naryqqa shyǵarady. Budan bólek, Iran táýligine 3-3,5 mln barrel munai óndiretin iri oiynshylar qatarynda. Onyń eksport kólemi 1,5-2 mln barrelge baǵalanady.
Sarapshy Irannyń aimaqtyq qaýipsizdikke de yqpaly zor ekenin atap ótti. El Siriia, Irak jáne Aýǵanstandaǵy jaǵdaiǵa áser etip otyr. Sonymen qatar, Iran Ormýz buǵazyn baqylaýda ustaidy. Bul buǵaz arqyly álemdik teńiz munai saýdasynyń shamamen 20 paiyzy ótedi. Sondyqtan kez kelgen eskalatsiia jahandyq naryq úshin qaýip týdyrady.
