Qazaqstan Qytaiǵa 1,5 myń aqbóken syilaidy. Bul týraly Memleket basshysy Qasym-Jomart Toqaev málimdedi, dep habarlaidy Dalanews.kz.
Bul rette QR Prezidentiniń baspasóz qyzmeti taratqan aqparatta bylai delinedi:
"Qazaqstan Prezidenti Qasym-Jomart Toqaev kórshi eldegi aqbóken popýliatsiiasyn qalpyna keltirý maqsatynda Qytaidyń batys bóligine jiberý úshin Qytai úkimetine 1,5 myń aqbóken berý týraly sheshim qabyldaǵanyn málimdedi. Óz kezeginde QHR tóraǵasy Si Tszinpin Qasym-Jomart Toqaevqa bul úshin alǵys bildirdi, óitkeni Qytai aqbókender popýliatsiiasyn qalpyna keltirýdi mańyzdy másele dep sanaidy".
Aita ketsek, Qazaqstanda kóbeiip ketken aqbókender máselesi biyl kóktemde Májiliste kóterilgen bolatyn. Májilis depýtaty Nartai Aralbaiuly kiik sanyn retteý tetigin qurýdy, ásirese kóktemde qaptap ketetin ólekselerin qaýipsiz joiý júiesin qalyptastyrýdy usynǵan. Sebebi 2024 jyly bir Batys Qazaqstan oblysynda kiik sany 2,3 millionǵa jetken, aldaǵy eki jylda 5 millionnan asady degen boljam bar. Mamandardyń aitýynsha, oblys ekojúiesi eń kóbi 500 myń bas kiikti ǵana kótere alady. Sondai-aq depýtat 2023 jyly BQO-daǵy 921,7 myń gektar jerdi kiik taptap, egistik alqaptar men jaiylymdardy jaramsyz kúige túsirgenin aitady. Nátijesinde tórt aýdan (Bókei Ordasy, Jańaqala, Jánibek, Kaztalov) tótenshe jaǵdai jariialaýǵa májbúr boldy.
