Microsoft álemde jasandy intellektiniń (JI) taralýyna arnalǵan AI Diffusion Report atty jahandyq baiandamasyn jariialady. Bul esepte alǵash ret ár elde halyqtyń jasandy intellekt quraldaryn naqty paidalaný deńgeii biryńǵai ádisteme arqyly ólshengen, dep habarlaidy Dalanews.kz.
Atalǵan kórsetkish boiynsha Qazaqstan 147 eldiń ishinde 71-orynǵa jaiǵasty. Eldegi AI User Share deńgeii 12,7% boldy. Postkeńestik elder arasynda Qazaqstannan joǵary nátije kórsetken memleketter qatarynda Litva (41-oryn, 21%), Grýziia (53-oryn, 17,3%), Moldova (58-oryn, 16,6%) jáne Ázirbaijan (64-oryn, 14,2%) bar.
Al reitingte Qazaqstannan tómen turǵan elderge Ýkraina (93-oryn, 9,1%), Resei (117-oryn, 7,6%), Belarýs (118-oryn, 7,6%), Qyrǵyzstan (119-oryn, 7,6%), Armeniia (138-oryn, 7,6%), Ózbekstan (143-oryn, 5,7%), Tájikstan (145-oryn, 5,1%) jáne Túrikmenstan (146-oryn, 5,1%) engen.
Osylaisha, Qazaqstan jasandy intellektini qoldaný deńgeii boiynsha Ortalyq Aziia elderiniń basym bóliginen jáne TMD memleketteriniń kópshiliginen alda keledi.
Baiandama avtorlarynyń málimetinshe, jasandy intellekt adamzat tarihyndaǵy eń jyldam taralǵan tehnologiia. Úsh jylǵa jetpeitin ýaqyt ishinde álem boiynsha JI paidalanýshylar sany 1 milliard adamnan asqan. Al internet pen smartfondardyń mundai aýqymǵa jetýine ondaǵan jyl qajet bolǵan.
Degenmen bul ósim birkelki emes. Jasandy intellektiniń keń taralýy elektr qýatynyń turaqtylyǵy, keńjolaqty internet, qoljetimdi tsifrlyq qurylǵylar jáne halyqtyń tsifrlyq daǵdylary siiaqty bazalyq infraqurylymǵa tikelei bailanysty.
Reiting kóshbasynda Birikken Arab Ámirlikteri (59,4%), Singapýr (58,6%) jáne Norvegiia (shamamen 45,3%) tur. Sondai-aq slǵashqy ondyqqa Irlandiia, Frantsiia, Ispaniia, Jańa Zelandiia, Ulybritaniia, Niderland jáne Katar engen.
Sonymen qatar Afrika, Ońtústik Aziia jáne birqatar postkeńestik elderdiń kópshiligi 10 paiyzdan tómen kórsetkishpen reitingtiń tómengi bóliginde qalyp otyr. Microsoft baǵalaýynsha, Jer shary halqynyń shamamen jartysy jasandy intellektini paidalaný úshin qajetti infraqurylymǵa áli de tolyq qol jetkize almai otyr.
Qujatta JI-diń taralýy halyq tabysynyń deńgeiimen ǵana emes, memlekettik tsifrlandyrý baǵdarlamalaryna, bilimge salynǵan investitsiiaǵa, startap-ekojúielerdiń damýyna jáne derekterdi retteý saiasatyna da tikelei bailanysty ekeni atalǵan. Bul faktorlar júieli túrde damyǵan elderde jasandy intellekt ekonomika, bilim berý, meditsina jáne memlekettik basqarý salalarynda jappai qoldanylatyn quralǵa ainalyp keledi.
