Microsoft ەلەمدە جاساندى ينتەللەكتٸنٸڭ (جي) تارالۋىنا ارنالعان AI Diffusion Report اتتى جاھاندىق بايانداماسىن جارييالادى. بۇل ەسەپتە العاش رەت ەر ەلدە حالىقتىڭ جاساندى ينتەللەكت قۇرالدارىن ناقتى پايدالانۋ دەڭگەيٸ بٸرىڭعاي ەدٸستەمە ارقىلى ٶلشەنگەن, دەپ حابارلايدى Dalanews.kz.
اتالعان كٶرسەتكٸش بويىنشا قازاقستان 147 ەلدٸڭ ٸشٸندە 71-ورىنعا جايعاستى. ەلدەگٸ AI User Share دەڭگەيٸ 12,7% بولدى. پوستكەڭەستٸك ەلدەر اراسىندا قازاقستاننان جوعارى نەتيجە كٶرسەتكەن مەملەكەتتەر قاتارىندا ليتۆا (41-ورىن, 21%), گرۋزييا (53-ورىن, 17,3%), مولدوۆا (58-ورىن, 16,6%) جەنە ەزٸربايجان (64-ورىن, 14,2%) بار.
ال رەيتينگتە قازاقستاننان تٶمەن تۇرعان ەلدەرگە ۋكراينا (93-ورىن, 9,1%), رەسەي (117-ورىن, 7,6%), بەلارۋس (118-ورىن, 7,6%), قىرعىزستان (119-ورىن, 7,6%), ارمەنييا (138-ورىن, 7,6%), ٶزبەكستان (143-ورىن, 5,7%), تەجٸكستان (145-ورىن, 5,1%) جەنە تٷرٸكمەنستان (146-ورىن, 5,1%) ەنگەن.
وسىلايشا, قازاقستان جاساندى ينتەللەكتٸنٸ قولدانۋ دەڭگەيٸ بويىنشا ورتالىق ازييا ەلدەرٸنٸڭ باسىم بٶلٸگٸنەن جەنە تمد مەملەكەتتەرٸنٸڭ كٶپشٸلٸگٸنەن الدا كەلەدٸ.
بايانداما اۆتورلارىنىڭ مەلٸمەتٸنشە, جاساندى ينتەللەكت ادامزات تاريحىنداعى ەڭ جىلدام تارالعان تەحنولوگييا. ٷش جىلعا جەتپەيتٸن ۋاقىت ٸشٸندە ەلەم بويىنشا جي پايدالانۋشىلار سانى 1 ميلليارد ادامنان اسقان. ال ينتەرنەت پەن سمارتفونداردىڭ مۇنداي اۋقىمعا جەتۋٸنە ونداعان جىل قاجەت بولعان.
دەگەنمەن بۇل ٶسٸم بٸركەلكٸ ەمەس. جاساندى ينتەللەكتٸنٸڭ كەڭ تارالۋى ەلەكتر قۋاتىنىڭ تۇراقتىلىعى, كەڭجولاقتى ينتەرنەت, قولجەتٸمدٸ تسيفرلىق قۇرىلعىلار جەنە حالىقتىڭ تسيفرلىق داعدىلارى سيياقتى بازالىق ينفراقۇرىلىمعا تٸكەلەي بايلانىستى.
رەيتينگ كٶشباسىندا بٸرٸككەن اراب ەمٸرلٸكتەرٸ (59,4%), سينگاپۋر (58,6%) جەنە نورۆەگييا (شامامەن 45,3%) تۇر. سونداي-اق سلعاشقى وندىققا يرلاندييا, فرانتسييا, يسپانييا, جاڭا زەلاندييا, ۇلىبريتانييا, نيدەرلاند جەنە كاتار ەنگەن.
سونىمەن قاتار افريكا, وڭتٷستٸك ازييا جەنە بٸرقاتار پوستكەڭەستٸك ەلدەردٸڭ كٶپشٸلٸگٸ 10 پايىزدان تٶمەن كٶرسەتكٸشپەن رەيتينگتٸڭ تٶمەنگٸ بٶلٸگٸندە قالىپ وتىر. Microsoft باعالاۋىنشا, جەر شارى حالقىنىڭ شامامەن جارتىسى جاساندى ينتەللەكتٸنٸ پايدالانۋ ٷشٸن قاجەتتٸ ينفراقۇرىلىمعا ەلٸ دە تولىق قول جەتكٸزە الماي وتىر.
قۇجاتتا جي-دٸڭ تارالۋى حالىق تابىسىنىڭ دەڭگەيٸمەن عانا ەمەس, مەملەكەتتٸك تسيفرلاندىرۋ باعدارلامالارىنا, بٸلٸمگە سالىنعان ينۆەستيتسيياعا, ستارتاپ-ەكوجٷيەلەردٸڭ دامۋىنا جەنە دەرەكتەردٸ رەتتەۋ ساياساتىنا دا تٸكەلەي بايلانىستى ەكەنٸ اتالعان. بۇل فاكتورلار جٷيەلٸ تٷردە دامىعان ەلدەردە جاساندى ينتەللەكت ەكونوميكا, بٸلٸم بەرۋ, مەديتسينا جەنە مەملەكەتتٸك باسقارۋ سالالارىندا جاپپاي قولدانىلاتىن قۇرالعا اينالىپ كەلەدٸ.
