Halyqaralyq reitingtik agenttik S&P Global Ratings Qazaqstannyń uzaq merzimdi egemendik reitingin BBB-, al qysqa merzimdi reitingin A-3 deńgeiinde rastady. Sonymen qatar uzaq merzimdi reitingter boiynsha oǵ boljam jasaldy, dep habarlaidy Dalanews.kz.
S&P sarapshylary Úkimet aldaǵy orta merzimde fiskaldyq tártipti kúsheitý baǵytyn jalǵastyrady dep esepteidi. Bul:
-
salyq bazasyn keńeitý,
-
memlekettik shyǵystardy qatań baqylaý,
-
eldiń eleýli ótimdi rezervterin saqtaý
arqyly júzege aspaq.
Aldaǵy úsh jylda Ulttyq qordan maqsatty transfertter men obligatsiialyq qaryz alý josparlanbaǵan. Kepildendirilgen transfert kólemi jyl saiyn 2,77 trln teńge deńgeiinde bekitilgen, bul burynǵydan shamamen eki ese az.
S&P boljamyna sáikes, 2026 jyly Qazaqstannyń JIÓ ósimi 4,1%-ǵa deiin baiaýlaidy. Buǵan:
-
munai óndirýdiń 4%-ǵa qysqarýy,
-
fiskaldyq yntalandyrýdyń álsireýi,
-
salyqtyń ósýi men nesie saiasatynyń qataiýyna bailanysty tutynýshylyq belsendiliktiń tómendeýi áser etedi.
Al 2028–2029 jyldary ekonomikalyq ósim qaitadan shamamen 4% nemese odan joǵary deńgeide qalyptasady dep kútiledi. Degenmen geosaiasi turaqsyzdyq pen biýdjettiń munai baǵasyna táýeldiligi negizgi táýekel bolyp qala beredi.
Agenttik baǵalaýynsha:
-
2026 jyldyń sońynda infliatsiia – 11%,
-
dollardyń baǵamy – 540 teńge shamasynda bolady.
Reitingtiń kóterilýi fiskaldyq rezervterdiń nyǵaiýy men munaidan tys kiristerdiń ósýine bailanysty. Al salyq-biýdjet saiasaty álsirese nemese syrtqy ótimdilik nasharlasa, boljam tómendeýi múmkin.
S&P Qazaqstannyń bank sektoryn turaqty dep baǵalaidy. Qarjy uiymdary:
-
jetkilikti kapitalmen,
-
berik ótimdilik pozitsiialarymen,
-
turaqty klienttik depozitterge súiengen
qorlandyrý qurylymymen erekshelenedi.
Sonymen birge agenttik tutynýshylyq kredit berý qarqyny baiaýlaidy dep boljaidy.
S&P boljamynsha, munai baǵasy:
-
2026 jyly – barreline $60,
-
2027–2029 jyldary – $65 deńgeiinde bolady
(2025 jyly shamamen $69).
Agenttik Qazaqstannyń Reseidiń qubyr infraqurylymyna táýeldiligin ekonomikalyq ósim úshin osal tus dep atady. Sonymen qatar boljamdy munai óndirý kólemi (táýligine 1,93 mln barrel) Qazaqstannyń OPEK+ kvotasynan (1,532 mln barrel) aitarlyqtai joǵary. Bul halyqaralyq munai kompaniialarynyń qyzmetin memlekettik retteý múmkindiginiń shekteýligin kórsetedi.
S&P baǵalaýynsha, Qazaqstan ekonomikasy aldaǵy jyldary ósýin jalǵastyrady, biraq qarqyny baiaýyraq bolady. Úkimet investitsiialyq belsendilikti «Báiterek» holdingi arqyly kvazifiskaldyq yntalandyrýmen qoldaýǵa nietti. Alaida agenttik bul sharalar ekonomikany tejeitin faktorlardy tolyq ótei almaidy dep sanaidy.
