Kókshetaýda ultaralyq arazdyqty qozdyrý deregi boiynsha qylmystyq is tergelip jatyr. Bul týraly Qylmystyq kodekstiń 174-baby 1-bóligi "áleýmettik, ulttyq, rýlyq, násildik, tektik nemese dini alaýyzdyqty qozdyrý" baby aiasynda is qozǵalǵany belgili boldy, dep habarlaidy Dalanews.kz.
Salem.alem. media dereginshe, daýdyń týyndaýyna qaladaǵy sulýlyq salondarynyń birinde jumys isteitin qyzmetkerler arasyndaǵy janjal sebep bolǵan.
Oqiǵa byltyr órbigen. Shashtaraz Almagúl Álievanyń aitýynsha, salon ishinde ortaq tyńdaityn mýzykaǵa bailanysty qyzmetkerler arasynda kelispeýshilik týǵan.
Onyń sózinshe, salonda buǵan deiin orys, túrik jáne grýzin tilderindegi ánder esh kedergisiz qoiylyp kelgen. Alaida ózi qazaqsha án qosýdy usynǵanda, áriptesi buǵan qarsy shyqqan.
Almagúl Álievanyń aitýynsha, ol mýzyka pýltine baryp qazaqsha án qosqan kezde áriptesi: "Joq, qoima, biz ondaidy tyńdamaimyz", - dep aitqan. Soǵan qaramastan ol ándi qosyp, jumysyn jalǵastyra bergen.
Biraz ýaqyttan keiin klientteri ketip qalǵan soń, ne sebepti mýzyka óshirilgenin suraǵan. Sol kezde áriptesi: "Men saǵan aittym ǵoi - biz ondaidy tyńdamaimyz. Mundaidy kim tyńdaidy?" degen mazmunda jaýap bergenin aitady.
Eki qyzmetker arasyndaǵy sózge kelý uzaqqa sozylmaǵanymen, oqiǵa keiin jalǵasyn tapqan. Almagúl Álieva bul jaǵdaiǵa bailanysty politsiiaǵa aryz túsirgen.
Áleýmettik jelide jariialanǵan videolardyń astyndaǵy pikirlerde avtor janjaldan keiin qazaqsha mýzykaǵa qarsy bolǵan qyzmetker zattaryn jinap, salonnan jumystan ketkenin de jazǵan.
Qazir atalǵan derek boiynsha quqyq qorǵaý organdary tergeý júrgizip jatyr. Oqiǵanyń mán-jaiy anyqtalýda.
