Reseidegi belgili telejýrnalist Tina Kandelaki Qazaqstan orys tilin baiaý bolsa da joiý jumystaryn júrgizip jatqanyn jazyp, dabyl qaqqan. Onyń bul jazbasyna eldegi temirjol beketteriniń ataýynyń ózgerýi sebep bolǵan.
"Bir qyzyǵy, qazaqqa qarsy úretinderdiń aldyńǵy qatarynda júrgenderdiń tegi orys emes – Kandelaki, Simonian, Keosaian, taǵy basqalary bar. Bir kezderi "eń uly orys shovinisteri tegin joǵaltqan basqa halyqtardan shyǵady" dep ketken Leninniń sóziniń jany bar. Osy keiipkerlerdiń bári memlekettik biýdjetti soryp otyrǵany eskersek, jeldiń qai jaqtan soǵatynyn da ańǵarý qiyn emes.
Joq, mundai elge de, biligine de senýge bolmaidy. Odaqtaspyz dep te aýyz toltyrmai-aq qoiaiyq – búgin de, tarihi keleshekte de! Resei kórshi Ýkrainaǵa basyp kirgen kezde nemis kaizeri Bismarktyń "Reseimen jasalǵan kelisimniń quny sol kelisim jazylǵan qaǵazdyń qunyna tatymaidy" degen sózi ras ekenine kóz jetkizesiń", - deidi Arman Shoraev.
Aita kteeiik, Kólik ministrligi keibir temir jol stantsiialaryn (Nur-Sultan-Astanaǵa, Nur-Sultan - Nurly joldy – Nurly jol, Kosshokýdy – Qosshoqyǵa, Sai-Ýtesti – Saióteske;, Ózendi Jańaózenge, Oraldy Oralǵa, Qumshaǵyldy Qumshaǵalǵa) qaita ataý týraly Úkimet qaýlysynyń jobasyn jariialaǵan. Reseilik telejúrgizýshi Tina Kandelaki óziniń Telegram-arnasynda Qazaqstan osylaisha orys tilin memlekettik deńgeide yǵystyryp jatqanyn kórsetip, "tarihtaǵy óz ornyn qoldaý syltaýymen óte alysqa barýǵa bolatyny túsinikti, ásirese, osyndai kúmándi sheshimderdi ilgeriletý úshin tarihty jasyrý yńǵaily", - dep jazǵan edi.
Sýret: Dalanews.kz kollajy
