رەسەيدەگى بەلگىلى تەلەجۋرناليست تينا كاندەلاكي قازاقستان ورىس ءتىلىن باياۋ بولسا دا جويۋ جۇمىستارىن جۇرگىزىپ جاتقانىن جازىپ، دابىل قاققان. ونىڭ بۇل جازباسىنا ەلدەگى تەمىرجول بەكەتتەرىنىڭ اتاۋىنىڭ وزگەرۋى سەبەپ بولعان.
"ءبىر قىزىعى، قازاققا قارسى ۇرەتىندەردىڭ الدىڭعى قاتارىندا جۇرگەندەردىڭ تەگى ورىس ەمەس – كاندەلاكي، سيمونيان، كەوسايان، تاعى باسقالارى بار. ءبىر كەزدەرى "ەڭ ۇلى ورىس شوۆينيستەرى تەگىن جوعالتقان باسقا حالىقتاردان شىعادى" دەپ كەتكەن لەنيننىڭ ءسوزىنىڭ جانى بار. وسى كەيىپكەرلەردىڭ ءبارى مەملەكەتتىك بيۋدجەتتى سورىپ وتىرعانى ەسكەرسەك، جەلدىڭ قاي جاقتان سوعاتىنىن دا اڭعارۋ قيىن ەمەس.
جوق، مۇنداي ەلگە دە، بيلىگىنە دە سەنۋگە بولمايدى. وداقتاسپىز دەپ تە اۋىز تولتىرماي-اق قويايىق – بۇگىن دە، تاريحي كەلەشەكتە دە! رەسەي كورشى ۋكرايناعا باسىپ كىرگەن كەزدە نەمىس كايزەرى بيسماركتىڭ "رەسەيمەن جاسالعان كەلىسىمنىڭ قۇنى سول كەلىسىم جازىلعان قاعازدىڭ قۇنىنا تاتىمايدى" دەگەن ءسوزى راس ەكەنىنە كوز جەتكىزەسىڭ"، - دەيدى ارمان شورايەۆ.
ايتا كتەەيىك، كولىك مينيسترلىگى كەيبىر تەمىر جول ستانسيالارىن (نۇر-سۇلتان-استاناعا، نۇر-سۇلتان - نۇرلى جولدى – نۇرلى جول، كوسشوكۋدى – قوسشوقىعا، ساي-ۋتەستى – سايوتەسكە؛، وزەندى جاڭاوزەنگە، ورالدى ورالعا، قۇمشاعىلدى قۇمشاعالعا) قايتا اتاۋ تۋرالى ۇكىمەت قاۋلىسىنىڭ جوباسىن جاريالاعان. رەسەيلىك تەلەجۇرگىزۋشى تينا كاندەلاكي ءوزىنىڭ Telegram-ارناسىندا قازاقستان وسىلايشا ورىس ءتىلىن مەملەكەتتىك دەڭگەيدە ىعىستىرىپ جاتقانىن كورسەتىپ، "تاريحتاعى ءوز ورنىن قولداۋ سىلتاۋىمەن وتە الىسقا بارۋعا بولاتىنى تۇسىنىكتى، اسىرەسە، وسىنداي كۇماندى شەشىمدەردى ىلگەرىلەتۋ ءۇشىن تاريحتى جاسىرۋ ىڭعايلى"، - دەپ جازعان ەدى.
سۋرەت: Dalanews.kz كوللاجى
