Qazaq halqynan Kenesary hannyń ólimi úshin keshirim suraǵan qyrǵyz ánshi qomaqty aiyppul tóleitin boldy, dep habarlaidy Dalanews.kz.
Ánshi Qairat Pirimberdievke 100 myń som aiyppul salyndy.
Bul shamamen 588 516 teńge.
Eske salaiyq,Qyrǵyzstannyń Ulttyq qaýipsizdik memlekettik komiteti ánshi Qairat Primberdievti qamaýǵa alǵan bolatyn. Ol buǵan deiin Kenesary hannyń ólimi úshin keshirim suraǵan edi.
ol ultaralyq arazdyqty qozdyrýǵa baǵyttalǵan málimdeme jasaǵany úshin qamaýǵa alynǵan. Vedomstvo ánshiniń elden shyǵýyna tyiym saldy.
Qazirgi ýaqytta tiisti tergeý jáne protsessýaldyq sharalar júrip jatyr. Qyrǵyzstanda násildik, ulttyq, ulttyq, dini nemese aimaqaralyq arazdyqty qozdyrýǵa baǵyttalǵan áreketter úshin 10 jylǵa deiin bas bostandyǵynan aiyrý jazasy qarastyrylǵan.
Eske salaiyq, buǵan deiin qyrǵyzstandyq ánshi Qairat Primberdiev qazaq halqynan Kenesary hannyń ólimi úshin keshirim suraǵany úshin synǵa ushyraǵan bolatyn.
Qazaqstandyq BAQ-tyń biri Qairat Primberdievten suhbat alǵan bolatyn. Ánshi tarihi oqiǵalarǵa qatysty pikir bildirip, ótkenge ókinish bildirgen. Ol qyrǵyz hany Ormon hannyń Kenesary Qasymovtyń basyn alýǵa májbúr bolǵanyn aityp, qazaq halqynan keshirim surady:
«Bizdiń Ormon han Kenesary handy óltirýge májbúr bolǵan. Men bul úshin qazaq halqynan keshirim suraǵym keledi. Bul jaǵdai úshin shyn júrekten keshirim suraimyn. Qazir jylaǵym kelip tur, rasynda. Biz Kenesary hannyń basyn qaitaryp, Quran oqyp, bul ókpeni laiyqty túrde umytýymyz kerek», — dedi ol suhbatynda.
Alaida bul sózderi úshin ánshi synnyń astynda qaldy, ol «Qazaqstannyń propagandasyna erdi» dep aiyptaldy. 24.kg basylymy Qyrǵyzstannyń Mádeniet vitse-ministri Marat Taǵaevtyń pikirin jariialady. Ol Qairat Primberdiev «Qazaqstannyń yqpalyna túsip qalǵanyn» aitty.
Sheneýniktiń pikirinshe, qyrǵyzdar óz jerin qorǵaǵan Ormon hannyń áreketi úshin keshirim suramaýy kerek. Jastar tarihyn bilýi úshin Qyrǵyzstanda ózderiniń tarihi filmderin túsirý qajet ekenin atap ótti.
