Senat otyrysynda Qazaqstan men Ózbekstannyń ekologiia salasyndaǵy yntymaqtastyǵy jónindegi kelisimniń qazaq tilindegi nusqasynda qateler anyqtaldy, dep habarlaidy Dalanews.kz.
Bul týraly Senat tóraǵasy Máýlen Áshimbaev málimdedi. Ol qazaq tilindegi mátinderge asa muqiiat qaraý kerek ekenin jetkizdi.
“Bul problemany depýtattarymyz birneshe ret kótergen. Qazirgi tańda qazaq tilindegi mátinnen qate jiberip, ony qaita túzetý orynsyz”, – dedi Áshimbaev.
Ol memlekettik tildiń mártebesi artyp, kásibi mamandardyń sany kóbeiip jatqanyn alǵa tartty.
“Búginde shet tilderdegi aýqymdy ǵylymi eńbekterdi qazaq tiline aýdaryp júrgen bilikti mamandarymyz jeterlik. Sońǵy jyldarda olar belsendi jumys istep keledi. Oǵan bárimiz kýámiz. Sondyqtan bizde túrli termindermen jumys isteitin, qalyptasqan mamandar jetkilikti dep aitýǵa ábden bolady. Sol sebepti qujattarda qazaq tilindegi mátinde qate bolmaýy tiis. Al, halyqaralyq kelisimderde buǵan múldem jol berýge bolmaidy”, – dedi tóraǵa. Áshimbaev
Osy tusta ol halyqaralyq kelisimderde qate jibermeý úshin tiisti vedomstvolardyń kásibi mamandarmen tyǵyz jumys isteýi qajet ekenin basa aitty.
