سەنات وتىرىسىندا قازاقستان مەن ٶزبەكستاننىڭ ەكولوگييا سالاسىنداعى ىنتىماقتاستىعى جٶنٸندەگٸ كەلٸسٸمنٸڭ قازاق تٸلٸندەگٸ نۇسقاسىندا قاتەلەر انىقتالدى, دەپ حابارلايدى Dalanews.kz.
بۇل تۋرالى سەنات تٶراعاسى مەۋلەن ەشٸمباەۆ مەلٸمدەدٸ. ول قازاق تٸلٸندەگٸ مەتٸندەرگە اسا مۇقييات قاراۋ كەرەك ەكەنٸن جەتكٸزدٸ.
“بۇل پروبلەمانى دەپۋتاتتارىمىز بٸرنەشە رەت كٶتەرگەن. قازٸرگٸ تاڭدا قازاق تٸلٸندەگٸ مەتٸننەن قاتە جٸبەرٸپ, ونى قايتا تٷزەتۋ ورىنسىز”, – دەدٸ ەشٸمباەۆ.
ول مەملەكەتتٸك تٸلدٸڭ مەرتەبەسٸ ارتىپ, كەسٸبي مامانداردىڭ سانى كٶبەيٸپ جاتقانىن العا تارتتى.
“بٷگٸندە شەت تٸلدەردەگٸ اۋقىمدى عىلىمي ەڭبەكتەردٸ قازاق تٸلٸنە اۋدارىپ جٷرگەن بٸلٸكتٸ ماماندارىمىز جەتەرلٸك. سوڭعى جىلداردا ولار بەلسەندٸ جۇمىس ٸستەپ كەلەدٸ. وعان بەرٸمٸز كۋەمٸز. سوندىقتان بٸزدە تٷرلٸ تەرميندەرمەن جۇمىس ٸستەيتٸن, قالىپتاسقان ماماندار جەتكٸلٸكتٸ دەپ ايتۋعا ەبدەن بولادى. سول سەبەپتٸ قۇجاتتاردا قازاق تٸلٸندەگٸ مەتٸندە قاتە بولماۋى تيٸس. ال, حالىقارالىق كەلٸسٸمدەردە بۇعان مٷلدەم جول بەرۋگە بولمايدى”, – دەدٸ تٶراعا. ەشٸمباەۆ
وسى تۇستا ول حالىقارالىق كەلٸسٸمدەردە قاتە جٸبەرمەۋ ٷشٸن تيٸستٸ ۆەدومستۆولاردىڭ كەسٸبي ماماندارمەن تىعىز جۇمىس ٸستەۋٸ قاجەت ەكەنٸن باسا ايتتى.
