Qazaqstandyq alpinist jáne saiahatshy Ǵalymjan Qusjanov álemniń eń biik 7 janartaýynyń shyńyna el jalaýyn tigip, olardy tolyq baǵyndyrǵan alǵashqy etnikalyq qazaq atandy, dep habarlaidy Dalanews.kz.
Bul týraly 2025 jyldyń 12 qarashasynda alpinistiń ózi men «7 shyń klýbynyń» Instagram-paraqshasyndaǵy ortaq jazbada habarlandy.
«Ǵalymjan Qusjanov – “7 Janartaý” jobasyn aiaqtaǵan álemdegi 67-shi adam! Ǵalymjandy shyn júrekten quttyqtaimyz! Ol “7 Janartaý” baǵdarlamasyn resmi túrde támamdap, qurlyqtardaǵy eń biik janartaýlardyń barlyǵyn baǵyndyrǵan alǵashqy etnikalyq qazaq boldy. Sońǵy shyńy – Orisaba (5636 m, Meksika) – kúrdeli aýa raiyna qaramastan alynǵan. Shynaiy biiktikke tabandylyq!» – delingen jazbada.
Klýb bul tarihi jetistikpen qazaqstandyq alpinisti arnaiy quttyqtady.
Sonymen qatar, klýb Orisaba shyńynan túsirilgen videony jariialady.
«Bul jasandy intellekt emes. Bul – Meksikadaǵy Orisaba shyńyndaǵy bizdiń komandamyz», – dep jazylǵan túsiniktemede.
Ǵalymjan Qusjanov sońǵy shyńda Qazaqstannyń memlekettik týyn kóterdi.
