قازاقستاندىق الپينيست جانە ساياحاتشى عالىمجان قۇسجانوۆ الەمنىڭ ەڭ بيىك 7 جانارتاۋىنىڭ شىڭىنا ەل جالاۋىن تىگىپ، ولاردى تولىق باعىندىرعان العاشقى ەتنيكالىق قازاق اتاندى، دەپ حابارلايدى Dalanews.kz.
بۇل تۋرالى 2025 جىلدىڭ 12 قاراشاسىندا ءالپينيستىڭ ءوزى مەن «7 شىڭ كلۋبىنىڭ» Instagram-پاراقشاسىنداعى ورتاق جازبادا حابارلاندى.
«عالىمجان قۇسجانوۆ – “7 جانارتاۋ” جوباسىن اياقتاعان الەمدەگى 67ء-شى ادام! عالىمجاندى شىن جۇرەكتەن قۇتتىقتايمىز! ول “7 جانارتاۋ” باعدارلاماسىن رەسمي تۇردە ءتامامداپ، قۇرلىقتارداعى ەڭ بيىك جانارتاۋلاردىڭ بارلىعىن باعىندىرعان العاشقى ەتنيكالىق قازاق بولدى. سوڭعى شىڭى – وريسابا (5636 م، مەكسيكا) – كۇردەلى اۋا رايىنا قاراماستان الىنعان. شىنايى بيىكتىككە تاباندىلىق!» – دەلىنگەن جازبادا.
كلۋب بۇل تاريحي جەتىستىكپەن قازاقستاندىق ءالپينيستى ارنايى قۇتتىقتادى.
سونىمەن قاتار، كلۋب وريسابا شىڭىنان تۇسىرىلگەن ۆيدەونى جاريالادى.
«بۇل جاساندى ينتەللەكت ەمەس. بۇل – مەكسيكاداعى وريسابا شىڭىنداعى ءبىزدىڭ كوماندامىز»، – دەپ جازىلعان تۇسىنىكتەمەدە.
عالىمجان قۇسجانوۆ سوڭعى شىڭدا قازاقستاننىڭ مەملەكەتتىك تۋىن كوتەردى.
