"Real" qaqpashysy Tıbo Kýrtýanyń machtan keıingi jeıdesi jas qaqpashy Sherhan Qalmyrzanyń atasyna buıyrdy, dep habarlaıdy Dalanews.kz. 

Sherhandy bala kúninen atasy da, ájesi de qoldap keledi. Olar jas qaqpashyny bala kúninen jattyǵýǵa aparyp, shyńdaǵan. 

Machtan keıin Sherhan Kýrtýamen áńgimelesip, artynsha ekeýi jeıdelerin almasqan bolatyn. Sherhan Kýrtýadan alǵan jeıdesin atasyna syılaǵan. 

Eske salaıyq, buǵan deıin jýrnalıs Oralhan Dáýit jas qaqpashy Sherhan Qalmyrzanyń shyǵý tegine qatysty qyzyq derek bólisken bolatyn. 

Sonymen qatar, jelide "Qaırat" qaqpashysy Sherhan Qalmyrzanyń anasy Sáýle Rabaeva týraly derek taraǵan edi.

Ol medıa salasynda eńbek etip, "Túngi stýdıa", "Balapan" sekildi jobalardyń prodúseri retinde tanylǵan.

Biraq Rabaevanyń eń úlken "jobasy" – eki uly. Sherhannyń boıyndaǵy qaısarlyq ta anasynyń myqty minezinen nár alǵandaı.

Aıta keteıik, 30 qyrkúıekte Almatyda ótken "Qaırat" pen "Real" arasyndaǵy tarıhı machta 18 jastaǵy Sherhan Qalmyrza álem nazaryna ilindi. Eýropalyq fýtbol qaýymdastyqtary odaǵy (ÝEFA) "Qaırat" qaqpashysy Sherhan Qalmurzanyń seıvin Chempıondar lıgasynyń oıyn kúnindegi úzdikterdiń biri dep atady.