Almatyda Qairat Satybaldyǵa tiesili bolǵan "Orion" biznes ortalyǵy satyldy, - dep habarlaidy Dalanews.kz.
Bul ǵimaratty Satybaldy óz erkimen memleketke qaitarǵan bolatyn.
Kursiv.media málimetinshe, aýktsion 24 qazanda ótken. Biznes ortalyǵynyń bastapqy quny 6,2 milliard teńge bolǵan. Al jalpy aýmaǵy 21,5 tekshe metr. Ǵimarattan bólek, 0,6315 gektar jer qosymsha berilgen.
Tolyq salynyp bitpegen alty qabattan turatyn ǵimarattyń eki qabaty kólik turaǵy bolǵan.
Aýktsionǵa naqty qansha adam qatysyp, ǵimarat qansha teńgege satyp alynǵany belgisiz.
Eske salaiyq, buǵan deiin Qairat Satybaldynyń menshiginde bolǵan ǵimarat Ulttyq ýniversitetke qaitarylǵan bolatyn.
Ol – Almatydaǵy quny 7,9 mlrd teńgeden asatyn “Kaisar Tower” biznes-ortalyǵy. Nysan Qazaq ulttyq qyzdar pedagogikalyq ýniversitetiniń qaramaǵyna berilgen. Sonymen qatar T.Júrgenov atyndaǵy “Qazaq ulttyq óner akademiiasy” RMM teńgerimine quny 800 mln teńgeden asatyn ákimshilik ǵimarat osylai ótkizildi.
Sondai-aq Sybailas jemqorlyqqa qarsy is-qimyl agenttigi qaitarylǵan aktivterdiń qoldanylý barysyn turaqty negizde qadaǵalanatynyn habarlaidy. Jyl basynan bastap sybailas jemqorlyqqa qarsy qyzmet aiaqtalǵan qylmystyq ister sheńberinde shamamen 195 mlrd teńgeni qaitardy. Sońǵy 2,5 jylda, onyń ishinde oligopoliialar tarapynan Qazaqstan halqyna 1,09 trln teńge qaitarylǵan.
