الماتىدا قايرات ساتىبالدىعا تيەسٸلٸ بولعان "وريون" بيزنەس ورتالىعى ساتىلدى, - دەپ حابارلايدى Dalanews.kz.
بۇل عيماراتتى ساتىبالدى ٶز ەركٸمەن مەملەكەتكە قايتارعان بولاتىن.
Kursiv.media مەلٸمەتٸنشە, اۋكتسيون 24 قازاندا ٶتكەن. بيزنەس ورتالىعىنىڭ باستاپقى قۇنى 6,2 ميلليارد تەڭگە بولعان. ال جالپى اۋماعى 21,5 تەكشە مەتر. عيماراتتان بٶلەك, 0,6315 گەكتار جەر قوسىمشا بەرٸلگەن.
تولىق سالىنىپ بٸتپەگەن التى قاباتتان تۇراتىن عيماراتتىڭ ەكٸ قاباتى كٶلٸك تۇراعى بولعان.
اۋكتسيونعا ناقتى قانشا ادام قاتىسىپ, عيمارات قانشا تەڭگەگە ساتىپ الىنعانى بەلگٸسٸز.
ەسكە سالايىق, بۇعان دەيٸن قايرات ساتىبالدىنىڭ مەنشٸگٸندە بولعان عيمارات ۇلتتىق ۋنيۆەرسيتەتكە قايتارىلعان بولاتىن.
ول – الماتىداعى قۇنى 7,9 ملرد تەڭگەدەن اساتىن “Kaisar Tower” بيزنەس-ورتالىعى. نىسان قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ قاراماعىنا بەرٸلگەن. سونىمەن قاتار ت.جٷرگەنوۆ اتىنداعى “قازاق ۇلتتىق ٶنەر اكادەميياسى” رمم تەڭگەرٸمٸنە قۇنى 800 ملن تەڭگەدەن اساتىن ەكٸمشٸلٸك عيمارات وسىلاي ٶتكٸزٸلدٸ.
سونداي-اق سىبايلاس جەمقورلىققا قارسى ٸس-قيمىل اگەنتتٸگٸ قايتارىلعان اكتيۆتەردٸڭ قولدانىلۋ بارىسىن تۇراقتى نەگٸزدە قاداعالاناتىنىن حابارلايدى. جىل باسىنان باستاپ سىبايلاس جەمقورلىققا قارسى قىزمەت اياقتالعان قىلمىستىق ٸستەر شەڭبەرٸندە شامامەن 195 ملرد تەڭگەنٸ قايتاردى. سوڭعى 2,5 جىلدا, ونىڭ ٸشٸندە وليگوپولييالار تاراپىنان قازاقستان حالقىنا 1,09 ترلن تەڭگە قايتارىلعان.
