Almatydaǵy eń iri bazarlardyń biri – «Baisat» kóterme-bólshek saýda ortalyǵynyń bir bóligi taǵy da aýktsionǵa qoiyldy. Lottyń bastapqy baǵasy – 28,63 mlrd teńge. Saýda 2026 jylǵy 8 sáýirge josparlanǵan, dep habarlaidy Dalanews.kz.
Lot týraly qosymsha málimette aýktsionǵa bir ǵana qatysýshy bolsa da, satýǵa ruqsat etiletini kórsetilgen. Satyp alýshy kepildik retinde 2,8 mlrd teńgeden astam qarajat engizýi tiis.
Bul aktiv buǵan deiin 2025 jyldyń qarashasynda jáne 2026 jyldyń aqpanynda satylymǵa shyǵarylǵan. Alaida satyp alýshy tabylmaǵan. Sol kezde bastapqy baǵa 24,77 mlrd teńgege deiin tómendetilgen edi.
«Baisat» bazary – Almatydaǵy eń iri saýda oryndarynyń biri. Ony «Astana Finansial Group» JShS men «SP KazGerStroi» JShS basqarǵan. Bul kompaniialar Baýyrjan Nýrsýltan-men bailanysty.
Sotqa deiingi tergep-tekserý aiasynda Kairat Satybaldy memleketke óz úlesin erikti túrde qaitarǵan. Al qalǵan bóligi 2024 jyldyń qańtarynda sot sheshimimen memlekettik menshikke ótti.
Sot «Baisattaǵy» úlesti ielikten shyǵarý kezinde birqatar zańbuzýshylyq bolǵanyn anyqtady. Atap aitqanda, tórt jyl burynǵy eskirgen baǵalaý qoldanylǵan, qyzmet baǵytyn saqtaý talaptary jáne múlikti basqarýǵa qoiylǵan shekteýler saqtalmaǵan.
