2025 jyldyń alǵashqy 10 aiynda Qazaqstan boiynsha investitsiia kólemi +13,1% óskenimen, keibir óńirler naqty «investitsiialyq serpilis» kórsetip otyr, dep habarlaidy Dalanews.kz Jai sandar telegram arnasyna silteme jasap.
Aqmola (+55,4%) jáne Pavlodar (+50,3%) oblystary – eń belsendi aimaqtar. Munda ónerkásip, infraqurylym jáne iri qurylys jobalary qatar júrýde. Jambyl (+38,3%), Astana (+31,4%) jáne Aqtóbe (+29,1%) da joǵary ósim kórsetken óńirler qataryna kirdi. Túrkistan oblysynyń kórsetkishi de aitarlyqtai (+24,2%). Bul ósimder negizinen tómen baza, ótken jylǵy baiaý qarqyn jáne biylǵy jyly biýdjettik qarjylandyrý men infraqurylymdyq jobalardyń belsendi iske asýymen túsindiriledi.
Jetisý, Almaty qalasy, Almaty oblysy, Qyzylorda jáne Shyǵys Qazaqstan oblysy ósim boiynsha 14–17% aralyǵynda. Bul aimaqtarda iri megajobalar az bolsa da, jol, injenerlik jeliler, turǵyn úi jáne logistika salasyndaǵy turaqty investitsiialar jalǵasyp jatyr.
Ósimi baiaý óńirlerge Mańǵystaý, Soltústik Qazaqstan, Qostanai, Shymkent, Qaraǵandy, Ulytaý jáne Batys Qazaqstan oblystary jatady. Munda ósim 3–8% shamasynda, iaǵni investitsiia negizinen inertsiialyq sipatta, jańa iri jobalar baiqalmaidy. Aýtsaiderler qatarynda Abai (−0,9%) jáne Atyraý oblysy (-29,7%) bar. Ásirese Atyraýda munai-gaz salasyndaǵy jobalardyń aiaqtalýy jalpy investitsiialyq belsendilikti aitarlyqtai tómendetken. Jalpy, investitsiianyń baǵyty birtindep shikizattyq óńirlerden ónerkásiptik jáne infraqurylymdyq ortalyqtarǵa qarai ózgerip keledi.
Tradereport.kz sarapshylarynyń pikirinshe, investitsiia ósimi árdaiym ákimderdiń jeke áreketine tikelei bailanyp otyrǵan joq. Óitkeni óńirdegi eń iri jobalardy kóbine sol jerde burynnan jumys isteitin transulttyq kompaniialar júzege asyrady, al olardyń sheshimderi jergilikti ákimdikpen emes, Úkimet deńgeiinde, ulttyq kompaniialarmen jáne halyqaralyq shtab-páterlermen kelisilip qabyldanady.
