Qarjyger-maman Aidarhan Qusaiynov aldaǵy eki jyl halyq pen bizneske qiyn tietinin boljaidy. Bul týraly ol áleýmettik jelidegi "Infliatsiia týraly boljamdardan týǵan oi" atty jazbasynda aitady, dep habarlaidy Dalanews.kz.
"Ulttyq Bank óz boljamynda 2025 jylǵy infliatsiia kólemin 10-12%-ǵa jáne 2026 jyldaǵysyn 9-11%-ǵa deiin arttyrdy. Biraq bul arada bolashaq týraly sóz joq, iaǵni qazir oryn alyp otyrǵan shyndyqqa qatysty boljamdar. Sáikesinshe, 2026 jylǵa arnalǵan boljamǵa qazir qabyldaýy qarastyrylyp jatqan, demek áli esepke alynbaǵan qosymsha qun salyǵy ósiminiń 2-4%-yn taǵy qosý kerek bolady. Mundai jaǵdaida 2025 jylǵy infliatsiia boiynsha boljam 10-12% jáne 2026 jylǵa 11-14% bolyp qalady, al 2027 jyly bul kórsetkish 8-9%-dan tómendeidi dep oilaimyn. Iaǵni, bazalyq mólsherleme shamamen aldaǵy eki jylda 16-18% bolyp qalady. Mundai infliatsiia kezinde halyqtyń tabysyna ne bolatynyn jáne biznes nesieni qaidan alatynyn, tipti kóz aldyma elestete almaimyn. Al bizdiń problemalyq biýdjetke ie ekenimizdi eskersek, memleket sýbsidiialar men investitsiialardy qaidan alady? Ekonomikalyq ósim qalai bolady?.. Ol jaǵy da beimálim. Esesine JIÓ nominaldy túrde "ushatyn" bolady", dep jazdy Aidarhan Qusaiynov Telegram-daǵy arnasynda.
Bul jazbany, ásirese kásipkerler qaýymy aýyr qabyldap jatyr.
Aita ketsek, 7 naýryzda Ulttyq Bank bazalyq mólsherlemeni birden 125 bazistik pýnktke bir-aq kóterdi. Mundaidy bir de bir qarjylyq sarapatama ortalyǵy boljai almady. Boljamdarda 100 bazistik pýnkt týraly sóz bolǵan, al kóbisi bazalyq mólsherlemeni 50 bazistik pýnktke kóterý oryndy dep tapqan.
