Qaraǵandy qalasynda kópqabatty turǵyn úıde bolǵan órt saldarynan er adam kóz jumdy, dep habarlaıdy Dalanews.kz
Oqıǵa 6 qańtar kúni keshki ýaqytta Abdırov dańǵylynda ornalasqan 12 qabatty turǵyn úıde bolǵan. Besinshi qabattaǵy páterde jıhaz ben turmystyq zattar órtengen.
Tótenshe jaǵdaılar departamentiniń málimetinshe, órt sóndirýshiler arnaıy qutqarý qalpaqtarynyń kómegimen segiz adamdy qutqaryp qalǵan. Onyń beseýi – balalar. Sondaı-aq baspaldaq arqyly 15 turǵyn evakýasıalandy.
Alaıda órt saldarynan 1997 jyly týǵan er adam ýly tútinge ýlanyp, oqıǵa ornynda kóz jumdy.
Evakýasıalanǵan turǵyndar ýaqytsha vahtalyq avtobýsqa ornalastyrylǵan.
Órttiń jalpy aýmaǵy 5 sharshy metrdi qurady. Qazirgi ýaqytta órttiń shyǵý sebebi anyqtalyp jatyr.
