قاراعاندى قالاسىندا كوپقاباتتى تۇرعىن ۇيدە بولعان ءورت سالدارىنان ەر ادام كوز جۇمدى، دەپ حابارلايدى Dalanews.kz
وقيعا 6 قاڭتار كۇنى كەشكى ۋاقىتتا ابديروۆ داڭعىلىندا ورنالاسقان 12 قاباتتى تۇرعىن ۇيدە بولعان. بەسىنشى قاباتتاعى پاتەردە جيھاز بەن تۇرمىستىق زاتتار ورتەنگەن.
توتەنشە جاعدايلار دەپارتامەنتىنىڭ مالىمەتىنشە، ءورت سوندىرۋشىلەر ارنايى قۇتقارۋ قالپاقتارىنىڭ كومەگىمەن سەگىز ادامدى قۇتقارىپ قالعان. ونىڭ بەسەۋى – بالالار. سونداي-اق باسپالداق ارقىلى 15 تۇرعىن ەۆاكۋاسيالاندى.
الايدا ءورت سالدارىنان 1997 جىلى تۋعان ەر ادام ۋلى تۇتىنگە ۋلانىپ، وقيعا ورنىندا كوز جۇمدى.
ەۆاكۋاسيالانعان تۇرعىندار ۋاقىتشا ۆاحتالىق اۆتوبۋسقا ورنالاستىرىلعان.
ءورتتىڭ جالپى اۋماعى 5 شارشى مەتردى قۇرادى. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر.
