Saiasattanýshy Daniiar Áshimbaev Qazaqstandaǵy zańnamanyń, ásirese salyq júiesine qatysty turaqsyzdyǵyn synǵa aldy. Onyń aitýynsha, elde bir jyl ishinde birneshe ret ózgertiletin zańdar bar, al bul – turaqty quqyqtyq orta qalyptastyrýǵa kedergi, dep habarlaidy Dalanews.kz.
Saiasattanýshynyń aitýynsha, qazirgi usynylyp otyrǵan salyq kodeksi - el tarihyndaǵy besinshi nusqa.
"Biraq úkimet ony 2025 jyldyń jazynda qaita qaraýǵa nietti ekenin óz josparyna aldyn ala engizip qoiǵan. Keshe Senat ózgeris engizip, soǵan sáikes jańa túzetýler 1 shildege deiin qabyldanyp, 1 qańtardan bastap kúshine enýi kerek delindi. Biraq meniń túsingenim – bul talap barlyq ózgeriske birdei qoldanylmaidy", - deidi saiasattanýshy.
Daniiar Áshimbaev salyq kodeksi turaqty bolǵany durys deidi.
"Árine, salyq zańnamasynyń anaǵurlym turaqty bolǵanyn qalar edik, biraq bul jolǵy salyq reformasy sátsiz bolǵany sonshalyq, tipti ony bolashaqta mindetti túrde qaita qarap, túzetýge týra keledi. Parlamenttiń eki palatasy da bul jobany talqylaý kezinde fiskaldyq jańalyqtardyń ekonomika men áleýmettik salaǵa keri áserin azaitý - negizgi mindet bolǵanyn ashyq aitty", - deidi Áshimbaev.
Buǵan deiin esimi jasyryn qalýdy suraǵan qarjyger maman Dalanews.kz-ke bergen suhbatynda jańa Salyq kodeksin Memleket basshysy jeme-jemge kelgende qabyldamai tastaýy da múmkin ekenin aitqan bolatyn.
Qarjygerdiń aitýynsha, qazirgi talqy qalpyndaǵy ózgeristerdi biznestiń iisi murnyna bara bermeitin, kabinette otyrǵan mamandar jasaǵan. Sol sebepti de kásipkerler qaýymy oǵan údere narazy. Mamannyń aitýynsha, Qasym-Jomart Toqaev buǵan deiin de ózgerister engizilgen Salyq kodeksin qabyldamai, keri qaitarǵan.
Al 23 maýsymda senatorlar salyq kodeksine ózgerister engizip, jobany májiliske qaitardy.
Senat tóraǵasy Máýlen Áshimbaev Kodeks talqylanǵan kezde depýtattarǵa biznes ókilderi júgingenin aitty. Olar zańnyń keibir tustaryna qatysty Úkimetpen kelispeitinin bildirgen. Sondai-aq investorlarǵa jaǵdai jasaý, olardy tartý men súiemeldeý tetikteriniń tiimdiligi boiynsha Senatta qyzý pikirtalastar bolǵany atap ótildi.
Senat komitetteri memlekettik organdarmen, kásipkerlermen jáne sarapshylarmen birlesip, árbir usynylǵan norma boiynsha qarqyndy ári aýqymdy jumys júrgizdi. Bul protsestiń barlyǵy ashyq ótken.
Osy jumystyń nátijesinde Kodekstegi keibir normalardyń teris saldaryn azaityp, eldegi biznes júrgizý jaǵdaiyn jaqsartýǵa baǵyttalǵan birqatar usynys pen túzetýler daiyndaldy.
Osylaisha jańa túzetýlermen birge Salyq kodeksi men oǵan qatysty zań jobasy Májiliske qaita joldandy.
