ساياساتتانۋشى دانييار ەشٸمباەۆ قازاقستانداعى زاڭنامانىڭ, ەسٸرەسە سالىق جٷيەسٸنە قاتىستى تۇراقسىزدىعىن سىنعا الدى. ونىڭ ايتۋىنشا, ەلدە بٸر جىل ٸشٸندە بٸرنەشە رەت ٶزگەرتٸلەتٸن زاڭدار بار, ال بۇل – تۇراقتى قۇقىقتىق ورتا قالىپتاستىرۋعا كەدەرگٸ, دەپ حابارلايدى Dalanews.kz.
ساياساتتانۋشىنىڭ ايتۋىنشا, قازٸرگٸ ۇسىنىلىپ وتىرعان سالىق كودەكسٸ - ەل تاريحىنداعى بەسٸنشٸ نۇسقا.
"بٸراق ٷكٸمەت ونى 2025 جىلدىڭ جازىندا قايتا قاراۋعا نيەتتٸ ەكەنٸن ٶز جوسپارىنا الدىن الا ەنگٸزٸپ قويعان. كەشە سەنات ٶزگەرٸس ەنگٸزٸپ, سوعان سەيكەس جاڭا تٷزەتۋلەر 1 شٸلدەگە دەيٸن قابىلدانىپ, 1 قاڭتاردان باستاپ كٷشٸنە ەنۋٸ كەرەك دەلٸندٸ. بٸراق مەنٸڭ تٷسٸنگەنٸم – بۇل تالاپ بارلىق ٶزگەرٸسكە بٸردەي قولدانىلمايدى", - دەيدٸ ساياساتتانۋشى.
دانييار ەشٸمباەۆ سالىق كودەكسٸ تۇراقتى بولعانى دۇرىس دەيدٸ.
"ەرينە, سالىق زاڭناماسىنىڭ اناعۇرلىم تۇراقتى بولعانىن قالار ەدٸك, بٸراق بۇل جولعى سالىق رەفورماسى سەتسٸز بولعانى سونشالىق, تٸپتٸ ونى بولاشاقتا مٸندەتتٸ تٷردە قايتا قاراپ, تٷزەتۋگە تۋرا كەلەدٸ. پارلامەنتتٸڭ ەكٸ پالاتاسى دا بۇل جوبانى تالقىلاۋ كەزٸندە فيسكالدىق جاڭالىقتاردىڭ ەكونوميكا مەن ەلەۋمەتتٸك سالاعا كەرٸ ەسەرٸن ازايتۋ - نەگٸزگٸ مٸندەت بولعانىن اشىق ايتتى", - دەيدٸ ەشٸمباەۆ.
بۇعان دەيٸن ەسٸمٸ جاسىرىن قالۋدى سۇراعان قارجىگەر مامان Dalanews.kz-كە بەرگەن سۇحباتىندا جاڭا سالىق كودەكسٸن مەملەكەت باسشىسى جەمە-جەمگە كەلگەندە قابىلداماي تاستاۋى دا مٷمكٸن ەكەنٸن ايتقان بولاتىن.
قارجىگەردٸڭ ايتۋىنشا, قازٸرگٸ تالقى قالپىنداعى ٶزگەرٸستەردٸ بيزنەستٸڭ يٸسٸ مۇرنىنا بارا بەرمەيتٸن, كابينەتتە وتىرعان ماماندار جاساعان. سول سەبەپتٸ دە كەسٸپكەرلەر قاۋىمى وعان ٷدەرە نارازى. ماماننىڭ ايتۋىنشا, قاسىم-جومارت توقاەۆ بۇعان دەيٸن دە ٶزگەرٸستەر ەنگٸزٸلگەن سالىق كودەكسٸن قابىلداماي, كەرٸ قايتارعان.
ال 23 ماۋسىمدا سەناتورلار سالىق كودەكسٸنە ٶزگەرٸستەر ەنگٸزٸپ, جوبانى مەجٸلٸسكە قايتاردى.
سەنات تٶراعاسى مەۋلەن ەشٸمباەۆ كودەكس تالقىلانعان كەزدە دەپۋتاتتارعا بيزنەس ٶكٸلدەرٸ جٷگٸنگەنٸن ايتتى. ولار زاڭنىڭ كەيبٸر تۇستارىنا قاتىستى ٷكٸمەتپەن كەلٸسپەيتٸنٸن بٸلدٸرگەن. سونداي-اق ينۆەستورلارعا جاعداي جاساۋ, ولاردى تارتۋ مەن سٷيەمەلدەۋ تەتٸكتەرٸنٸڭ تيٸمدٸلٸگٸ بويىنشا سەناتتا قىزۋ پٸكٸرتالاستار بولعانى اتاپ ٶتٸلدٸ.
سەنات كوميتەتتەرٸ مەملەكەتتٸك ورگاندارمەن, كەسٸپكەرلەرمەن جەنە ساراپشىلارمەن بٸرلەسٸپ, ەربٸر ۇسىنىلعان نورما بويىنشا قارقىندى ەرٸ اۋقىمدى جۇمىس جٷرگٸزدٸ. بۇل پروتسەستٸڭ بارلىعى اشىق ٶتكەن.
وسى جۇمىستىڭ نەتيجەسٸندە كودەكستەگٸ كەيبٸر نورمالاردىڭ تەرٸس سالدارىن ازايتىپ, ەلدەگٸ بيزنەس جٷرگٸزۋ جاعدايىن جاقسارتۋعا باعىتتالعان بٸرقاتار ۇسىنىس پەن تٷزەتۋلەر دايىندالدى.
وسىلايشا جاڭا تٷزەتۋلەرمەن بٸرگە سالىق كودەكسٸ مەن وعان قاتىستى زاڭ جوباسى مەجٸلٸسكە قايتا جولداندى.
