Qazaq Gaz osynyń esebinen elimizdiń shyǵys óńirin gazdandyryp almaq.
"Shyǵys Qazaqstannyń territoriiasyn túgel qamtityn tranzittik baǵyt tek osy óńirmen shektelip qalmai, oǵan japsarlas ornalasqan aimaqtarǵa da septigin tigizedi. Jobanyń kem-ketigi joq, ekshelip-teksheldi, esep-qisaby jasaldy...", - deidi Qazaq Gaz-daǵylar.
Reseilik kompaniia qazaqtardyń usynysyn birden qabyl almai, oilanyp-tolǵanýǵa mursat surapty.
Esesine reseilik telegram-arnalar malaqaiyn aspanǵa atyp, alaqai jańalyqty Pýtinniń kezekti jeńisine balaýda.
"Bul kelisim eki eldiń Úkimeti deńgeiinde áldeqashan sheshilgen. Qazaqtardyń teriskei pen shyǵysty óz gazymen qamtamasyz etetin qaýqary joq. Ádettegidei, biz olarǵa qol ushyn sozamyz...", – deidi reseilik propaganda.
Batys jańaraqta ǵana "Gazpromnyń" birneshe top -menedjerin sanktsiialyq tizimge engizdi.
Dalainside arnasy muny "Gaz odaǵyn" qurýdyń bastamasy dep sanaidy. Bul durys pa, burys pa degendi oqyrmannyń erkine qaldyraiyq.
Aitqandai, búgin Reseidiń "Drýjba" qubyry arqyly qazaq munaiynyń alǵashqy partiiasy Germaniiaǵa jóneltildi.
"QazTransOil" 20 myń tonnadan asyp jyǵylatyn munaidy "Drýjbamen" qýalap ákep, Polshadaǵy "Adamov zastavasy" qabyldaý pýnktine jetkizip beredi.
Resei bul tranzit úshin táp-táýir tólem alady, ári munai qubyry da qańyrap turmaidy.
Al, "Gaz odaǵynyń" jai-japsaryn aldaǵy kúnderi aitatyn bolamyz. Arnaǵa tirkelip alyńyz?
Dalainside arnasy
