Qazaq Gaz وسىنىڭ ەسەبىنەن ەلىمىزدىڭ شىعىس ءوڭىرىن گازداندىرىپ الماق.
"شىعىس قازاقستاننىڭ تەرريتورياسىن تۇگەل قامتيتىن ترانزيتتىك باعىت تەك وسى وڭىرمەن شەكتەلىپ قالماي، وعان جاپسارلاس ورنالاسقان ايماقتارعا دا سەپتىگىن تيگىزەدى. جوبانىڭ كەم-كەتىگى جوق، ەكشەلىپ-تەكشەلدى، ەسەپ-قيسابى جاسالدى..."، - دەيدى Qazaq Gaz-داعىلار.
رەسەيلىك كومپانيا قازاقتاردىڭ ۇسىنىسىن بىردەن قابىل الماي، ويلانىپ-تولعانۋعا مۇرسات سۇراپتى.
ەسەسىنە رەسەيلىك تەلەگرام-ارنالار مالاقايىن اسپانعا اتىپ، الاقاي جاڭالىقتى ءپۋتيننىڭ كەزەكتى جەڭىسىنە بالاۋدا.
"بۇل كەلىسىم ەكى ەلدىڭ ۇكىمەتى دەڭگەيىندە الدەقاشان شەشىلگەن. قازاقتاردىڭ تەرىسكەي پەن شىعىستى ءوز گازىمەن قامتاماسىز ەتەتىن قاۋقارى جوق. ادەتتەگىدەي، ءبىز ولارعا قول ۇشىن سوزامىز..."، – دەيدى رەسەيلىك پروپاگاندا.
باتىس جاڭاراقتا عانا "گازپرومنىڭ" بىرنەشە توپ -مەنەدجەرىن سانكسيالىق تىزىمگە ەنگىزدى.
Dalainside ارناسى مۇنى "گاز وداعىن" قۇرۋدىڭ باستاماسى دەپ سانايدى. بۇل دۇرىس پا، بۇرىس پا دەگەندى وقىرماننىڭ ەركىنە قالدىرايىق.
ايتقانداي، بۇگىن رەسەيدىڭ "درۋجبا" قۇبىرى ارقىلى قازاق مۇنايىنىڭ العاشقى پارتياسى گەرمانياعا جونەلتىلدى.
"قازترانسويل" 20 مىڭ توننادان اسىپ جىعىلاتىن مۇنايدى "درۋجبامەن" قۋالاپ اكەپ، پولشاداعى "اداموۆ زاستاۆاسى" قابىلداۋ پۋنكتىنە جەتكىزىپ بەرەدى.
رەسەي بۇل ترانزيت ءۇشىن ءتاپ-تاۋىر تولەم الادى، ءارى مۇناي قۇبىرى دا قاڭىراپ تۇرمايدى.
ال، "گاز وداعىنىڭ" جاي-جاپسارىن الداعى كۇندەرى ايتاتىن بولامىز. ارناعا تىركەلىپ الىڭىز؟
Dalainside ارناسى
