Prezident Qasym-Jomart Toqaev Shymkentte kóshede pyshaqtalyp mert bolǵan Nuraidyń ólimine qatysty pikir bildirdi, dep habarlaidy Dalanews.kz.
Memleket basshysy Ishki ister ministrligi men jergilikti quqyq qorǵaý organdaryna isti baqylaýǵa alýǵa tapsyrma bergenin aitty.
"Shymkentte Nurai esimdi qyzdyń kisi qolynan qaza bolýy búkil eldi dúrliktirdi. Ulttyq quryltaiǵa osy oqiǵa boiynsha 130-dan asa ótinish tústi. Nuraidy ańdyp, qoqan loqqy kórsetken (kúdikti). Aqyry arty adam ólimimen bitti. Osyǵan bailanysty Ishki ministr ministrligine, Shymkent politsiiasyna quqyqtyq baǵa berýdi tapsyrdym. Bas prokýroratýra dabul máseleni muqiiat tekseredi. Qyz alyp qashý, adam urlaý – ultymyzdyń bedeline nuqsan keltiretin óreskel, jabaiy qylmys. Mundai qatigezdikke jol berýge bolmaidy", – deidi prezident.
Eske salaiyq, 21 jastaǵy Nuraidy Shymkentte tanys jigiti kóshede pyshaqtap ketken bolatyn. Nurai alǵan jaraqattary saldarynan oqiǵa ornynda jan tapsyrdy.
Is Ishki ister ministrliginiń baqylaýynda.
