Memlekettik kirister komiteti 2024 jyldyń segiz aiynda Qorǵastan tabylǵan zańsyz zattar týraly aitty, dep habarlaidy Dalanews.kz Orda.kz-ke siltep.
Komitet málimetinshe, Qorǵasta zańsyz ótkizý derekteri kóp bolǵan.
"Ulttyq qaýipsizdik komitetiniń shekara qyzmetimen birlesip júrgizgen kedendik baqylaý kezinde 2024 jyldyń segiz aiynda 17 myńnan astam blok temeki ónimderi, onyń ishinde 1800 dana elektrondy temeki (veip), eki myńǵa jýyq ań terisi, 300 dana temeki ónimderi, aqbóken múiizderi, 100-ge jýyq elitalyq spirt tabyldy", delingen habarlamada.
Sonymen qatar, Qorǵas arqyly tasymaldanatyn taýarlardyń arasynda qos maqsattaǵy zattar, iaǵni áskeri maqsatta paidalanýǵa bolatyn quraldar tabylǵan.
"Mysaly, 2023 jyldyń basynan beri ishki ister organdarynyń úsh ushqyshsyz ushatyn apparaty (dron), 107 kolba, 85 paket pogon tabyldy", - dep tolyqtyrdy Memlekettik kirister komitetindegiler.
Qorǵastan tek taýar emes, sonymen qatar, valiýtany ótkizbek bolǵandar da anyqtalǵan.
"2024 jyldyń segiz aiynda Qorǵas kedeni resmi deklaratsiiasyz Qazaqstannan Qytaiǵa 2,3 million dollardan astam qolma-qol aqshamen ótpek bolǵan adamdardy ustady", - dep habarlady Memlekettik kirister komitetindegiler.
Al prezidenttiń 2022 jylǵy 14 naýryzdaǵy jarlyǵy boiynsha shekaradan 10 myń dollardan artyq somany alyp shyǵýǵa tyiym salynady.
Zańdy buzǵandar ákimshilik nemese qylmystyq jaýapkershilikke tartylady.
