مەملەكەتتٸك كٸرٸستەر كوميتەتٸ 2024 جىلدىڭ سەگٸز ايىندا قورعاستان تابىلعان زاڭسىز زاتتار تۋرالى ايتتى, دەپ حابارلايدى Dalanews.kz Orda.kz-كە سٸلتەپ.
كوميتەت مەلٸمەتٸنشە, قورعاستا زاڭسىز ٶتكٸزۋ دەرەكتەرٸ كٶپ بولعان.
"ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸمەن بٸرلەسٸپ جٷرگٸزگەن كەدەندٸك باقىلاۋ كەزٸندە 2024 جىلدىڭ سەگٸز ايىندا 17 مىڭنان استام بلوك تەمەكٸ ٶنٸمدەرٸ, ونىڭ ٸشٸندە 1800 دانا ەلەكتروندى تەمەكٸ (ۆەيپ), ەكٸ مىڭعا جۋىق اڭ تەرٸسٸ, 300 دانا تەمەكٸ ٶنٸمدەرٸ, اقبٶكەن مٷيٸزدەرٸ, 100-گە جۋىق ەليتالىق سپيرت تابىلدى", دەلٸنگەن حابارلامادا.
سونىمەن قاتار, قورعاس ارقىلى تاسىمالداناتىن تاۋارلاردىڭ اراسىندا قوس ماقساتتاعى زاتتار, ياعني ەسكەري ماقساتتا پايدالانۋعا بولاتىن قۇرالدار تابىلعان.
"مىسالى, 2023 جىلدىڭ باسىنان بەرٸ ٸشكٸ ٸستەر ورگاندارىنىڭ ٷش ۇشقىشسىز ۇشاتىن اپپاراتى (درون), 107 كولبا, 85 پاكەت پوگون تابىلدى", - دەپ تولىقتىردى مەملەكەتتٸك كٸرٸستەر كوميتەتٸندەگٸلەر.
قورعاستان تەك تاۋار ەمەس, سونىمەن قاتار, ۆاليۋتانى ٶتكٸزبەك بولعاندار دا انىقتالعان.
"2024 جىلدىڭ سەگٸز ايىندا قورعاس كەدەنٸ رەسمي دەكلاراتسيياسىز قازاقستاننان قىتايعا 2,3 ميلليون دوللاردان استام قولما-قول اقشامەن ٶتپەك بولعان ادامداردى ۇستادى", - دەپ حابارلادى مەملەكەتتٸك كٸرٸستەر كوميتەتٸندەگٸلەر.
ال پرەزيدەنتتٸڭ 2022 جىلعى 14 ناۋرىزداعى جارلىعى بويىنشا شەكارادان 10 مىڭ دوللاردان ارتىق سومانى الىپ شىعۋعا تىيىم سالىنادى.
زاڭدى بۇزعاندار ەكٸمشٸلٸك نەمەسە قىلمىستىق جاۋاپكەرشٸلٸككە تارتىلادى.
