Perizat Qairat isi boiynsha sot otyrysy búgin de jabyq formatta ótti, dep habarlaidy Dalanews.kz.
Sot otyrysynda:
- qatysýshylar zattai dáleldemelerdi zerttedi
- taraptar birneshe ótinish bildirdi (naqty qandaiy – sot aitpady)
- Perizat Qairattan jaýap alyndy
- aiyptalýshynyń anasy jaýap berýden bas tartty (bul – zańdy)
Jalpy alǵanda, protsess óte jyldam ótip jatyr degen áser qaldyrady.
Erteń, 21 shildede saǵat 11:00-de jaryssózder ótedi. Jýrnalister qatysýy múmkin. Keiingi málimet boiynsha otyrys ashyq formatta ótedi dep habarlanyp otyr.
Eske salaiyq, kúni keshe ótken sot otyrysy da jabyq formatta ótken bolatyn.
Buǵan deiin isti qarap jatqan sýdia Sabyrjan Karimov sot otyrystarynyń kestesin dúisenbi jáne beisenbi kúnderine belgilegen bolatyn. Alaida ótken aptada otyrystar sársenbi, beisenbi jáne juma kúniniń birinshi jartysynda da ótkizildi.
Buǵan deiin sot otyrysynda Qairatqa 200 mln teńge aýdarǵan kompaniianyń ókili Galia Isaeva sóz sóilegen edi. Onyń aitýynsha, sol kezeńde kompaniiany Perizat Qairattyń áleýmettik jelidegi belsendi jarnamasy sendirgen.
Sonymen qatar Jusan Bank Perizat Qairattyń qoryn teksermesten 300 mln teńge aýdarǵany týraly málimdegen edi.
Perizat Qairatqa qatysty úsh epizodtyń birinde ol sý tasqynynan zardap shekkenderge kómek kórsetý úshin shamamen 2,9 mlrd teńge jinap, onyń tek 920 mln teńgesin ǵana maqsatty túrde jumsady dep aiyp taǵyldy.
