پەريزات قايرات ءىسى بويىنشا سوت وتىرىسى بۇگىن دە جابىق فورماتتا ءوتتى، دەپ حابارلايدى Dalanews.kz.
سوت وتىرىسىندا:
- قاتىسۋشىلار زاتتاي دالەلدەمەلەردى زەرتتەدى
- تاراپتار بىرنەشە ءوتىنىش ءبىلدىردى (ناقتى قاندايى – سوت ايتپادى)
- پەريزات قايراتتان جاۋاپ الىندى
- ايىپتالۋشىنىڭ اناسى جاۋاپ بەرۋدەن باس تارتتى (بۇل – زاڭدى)
جالپى العاندا، پروسەسس وتە جىلدام ءوتىپ جاتىر دەگەن اسەر قالدىرادى.
ەرتەڭ، 21 شىلدەدە ساعات 11:00-دە جارىسسوزدەر وتەدى. جۋرناليستەر قاتىسۋى مۇمكىن. كەيىنگى مالىمەت بويىنشا وتىرىس اشىق فورماتتا وتەدى دەپ حابارلانىپ وتىر.
ەسكە سالايىق، كۇنى كەشە وتكەن سوت وتىرىسى دا جابىق فورماتتا وتكەن بولاتىن.
بۇعان دەيىن ءىستى قاراپ جاتقان سۋديا سابىرجان كاريموۆ سوت وتىرىستارىنىڭ كەستەسىن دۇيسەنبى جانە بەيسەنبى كۇندەرىنە بەلگىلەگەن بولاتىن. الايدا وتكەن اپتادا وتىرىستار سارسەنبى، بەيسەنبى جانە جۇما كۇنىنىڭ ءبىرىنشى جارتىسىندا دا وتكىزىلدى.
بۇعان دەيىن سوت وتىرىسىندا قايراتقا 200 ملن تەڭگە اۋدارعان كومپانيانىڭ وكىلى گاليا يسايەۆا ءسوز سويلەگەن ەدى. ونىڭ ايتۋىنشا، سول كەزەڭدە كومپانيانى پەريزات قايراتتىڭ الەۋمەتتىك جەلىدەگى بەلسەندى جارناماسى سەندىرگەن.
سونىمەن قاتار Jusan Bank پەريزات قايراتتىڭ قورىن تەكسەرمەستەن 300 ملن تەڭگە اۋدارعانى تۋرالى مالىمدەگەن ەدى.
پەريزات قايراتقا قاتىستى ءۇش ەپيزودتىڭ بىرىندە ول سۋ تاسقىنىنان زارداپ شەككەندەرگە كومەك كورسەتۋ ءۇشىن شامامەن 2،9 ملرد تەڭگە جيناپ، ونىڭ تەك 920 ملن تەڭگەسىن عانا ماقساتتى تۇردە جۇمسادى دەپ ايىپ تاعىلدى.
