Búgin elordadaǵy sotta Perizat Qairat pen onyń anasyna qatysty apelliatsiialyq shaǵym qarala bastady, dep habarlaidy Dalanews.kz.
Advokattyń aitýynsha, bul qylmystyq emes, azamattyq is, óitkeni qarajat erikti túrde aýdarylǵan. Sol sebepti qaiyrymdylyq jasaǵandar jábirlenýshi bolyp eseptelmeýi tiis – aqsha aýdarylǵannan keiin qordyń menshigine ótken.
Sonymen qatar, ol Perizat Qairattyń anasyna qatysty birde-bir naqty aiyp taǵylmaǵanyn, alaida soǵan qaramastan kináli dep kórsetilgenin aitty. Onyń sózinshe, “BIZ BIRGEMIZ” qorynyń shotynan anasynyń shotyna tikelei aqsha aýdarymdary jasalmaǵan, bul onyń kinásizdigin dáleldeidi.
Perizat Qairatqa qatysty is
Eske salaiyq, biyl 25 shildede Astana qalasyndaǵy qylmystyq ister jónindegi aýdanaralyq sotta Perizat Qairat pen anasyna qatysty sot úkimi shyqty.
Sot úkimimen Perizat Qairat 10 jylǵa sottaldy. Anasy Ǵaini Alashbaeva 7 jylǵa bas bostandyǵynan aiyryldy.
Perizat Qairat pen onyń anasy Ǵaini Alashbaevaǵa QR QK 190-baby 4-bóliginiń 2-tarmaǵy, 218-baby 3-bóliginiń 3-tarmaǵy jáne 2-bóliginiń 1-tarmaǵy boiynsha qylmystyq is qozǵalǵan bolatyn.
Prokýrorlardyń málimetinshe, 2021 jyldan 2024 jylǵa deiin Perizat Qairat pen onyń anasy 3,5 mlrd teńgeni qolma-qol sheship alǵan.
