بۇگىن ەلورداداعى سوتتا پەريزات قايرات پەن ونىڭ اناسىنا قاتىستى اپەللياسيالىق شاعىم قارالا باستادى، دەپ حابارلايدى Dalanews.kz.
ادۆوكاتتىڭ ايتۋىنشا، بۇل قىلمىستىق ەمەس، ازاماتتىق ءىس، ويتكەنى قاراجات ەرىكتى تۇردە اۋدارىلعان. سول سەبەپتى قايىرىمدىلىق جاساعاندار جابىرلەنۋشى بولىپ ەسەپتەلمەۋى ءتيىس – اقشا اۋدارىلعاننان كەيىن قوردىڭ مەنشىگىنە وتكەن.
سونىمەن قاتار، ول پەريزات قايراتتىڭ اناسىنا قاتىستى بىردە-بىر ناقتى ايىپ تاعىلماعانىن، الايدا سوعان قاراماستان كىنالى دەپ كورسەتىلگەنىن ايتتى. ونىڭ سوزىنشە، “BIZ BIRGEMIZ” قورىنىڭ شوتىنان اناسىنىڭ شوتىنا تىكەلەي اقشا اۋدارىمدارى جاسالماعان، بۇل ونىڭ كىناسىزدىگىن دالەلدەيدى.
پەريزات قايراتقا قاتىستى ءىس
ەسكە سالايىق، بيىل 25 شىلدەدە استانا قالاسىنداعى قىلمىستىق ىستەر جونىندەگى اۋدانارالىق سوتتا پەريزات قايرات پەن اناسىنا قاتىستى سوت ۇكىمى شىقتى.
سوت ۇكىمىمەن پەريزات قايرات 10 جىلعا سوتتالدى. اناسى عايني الاشبايەۆا 7 جىلعا باس بوستاندىعىنان ايىرىلدى.
پەريزات قايرات پەن ونىڭ اناسى عايني الاشبايەۆاعا ق ر قك 190-بابى 4-بولىگىنىڭ 2-تارماعى، 218-بابى 3-بولىگىنىڭ 3-تارماعى جانە 2-بولىگىنىڭ 1-تارماعى بويىنشا قىلمىستىق ءىس قوزعالعان بولاتىن.
پروكۋرورلاردىڭ مالىمەتىنشە، 2021 جىلدان 2024 جىلعا دەيىن پەريزات قايرات پەن ونىڭ اناسى 3،5 ملرد تەڭگەنى قولما-قول شەشىپ العان.
