Perizat Qairattan tárkilengen elitalyq turǵyn úi keshenderindegi páterler Astana ákimdiginiń esebine ótti, dep habarlaidy Dalanews.kz.
Sot úkimine sáikes Perizat Qairattan birneshe kólik pen Akbulak Riviera, Sensata Plaza, Highvill Ishim Gold, "Kók Jailaý" turǵyn úi keshenderindegi páterler, sondai-aq, turaq oryndary tárkilengen edi.
Memlekettik múlik jáne jekeshelendirý departamenti ókilderi ózderine tek úsh kólik tirkelgenin aitty. Sebebi qoldanystaǵy tártipke sai turǵyn úilerdi esepke alýdy jergilikti atqarýshy organ, iaǵni ákimdik júrgizedi.
Vedomstvo málimetinshe, 2015 jylǵy 4 maýsymdaǵy №404 Úkimet qaýlysyna sáikes memleket menshigine ótken turǵyn úilerdi esepke alý, saqtaý jáne ári qarai paidalaný jergilikti atqarýshy organdardyń quzyretine jatady.
Eske salaiyq, buǵan deiin Perizat Qairat ortasha qaýipsizdik mekemesinde 10 jylǵa bas bostandyǵynan aiyrylǵan edi. Al anasy Ǵaini Alashbaeva 7 jylǵa sottalǵan bolatyn.
Sonymen qatar, buǵan deiin "Perizat Qairat koloniiada nemen ainalysady?" degen saýalǵa ishki ister vitse-ministri Abai Qaiyrbekov jaýap berdi. Ol Perizat Qairattyń jumysqa ornalasýy onyń biliktiligi men bos oryndar bolýyna qarai sheshiletinin málimdedi.
Jýyrda Perizat Qairat túrme tazalap júrgenin jazdyq.
