Pavlodar oblysynyń ákimi Asaiyn Baihanov ápkesiniń jaýapqa tartylǵany týraly aqparatqa pikir bildirdi, dep habarlaidy Dalanews.kz.
"Meniń úlken ápkemniń ákimshilik jaýapkershilikke tartylýyna qatysty mynany aita alamyn: barlyq azamat zań aldynda teń. Meniń ápkem de, otbasymyzdyń basqa músheleri siiaqty, bul qaǵidattan tys emes", - dedi ákim jelidegi paraqshasynda.
Eske salaiyq, buǵan deiin Pavlodar oblysy ákiminiń ápkesi kólikti mas kúide aidap ustalyp, sot aldynda jaýap bergeni habarlandy. Ol 7 jylǵa júrgizýshi kýáliginen aiyrylyp,15 táýlikke qamaýǵa alynǵan.
