Павлодар облысының әкімі Асайын Байханов әпкесінің жауапқа тартылғаны туралы ақпаратқа пікір білдірді, деп хабарлайды Dalanews.kz.
"Менің үлкен әпкемнің әкімшілік жауапкершілікке тартылуына қатысты мынаны айта аламын: барлық азамат заң алдында тең. Менің әпкем де, отбасымыздың басқа мүшелері сияқты, бұл қағидаттан тыс емес", - деді әкім желідегі парақшасында.
Еске салайық, бұған дейін Павлодар облысы әкімінің әпкесі көлікті мас күйде айдап ұсталып, сот алдында жауап бергені хабарланды. Ол 7 жылға жүргізуші куәлігінен айырылып,15 тәулікке қамауға алынған.
