Áleýmettik jelide Pavlodar oblysyndaǵy aýdandardyń biriniń ákimine qatysty daýly video tarady. Jelide paida bolǵan aqparatta aýdan ákimi keseneniń ishinde otyrys uiymdastyrǵany aitylady, - dep habarlaidy Dalanews.kz.
Bul derek egovpress Telegram-arnasynda jariialandy.
"Pavlodar oblysy Sharbaqty aýdanynyń ákimi Ǵabdýl-Ýahit Haziret kesenesiniń ishinde óz qaramaǵyndaǵylarǵa qyzyq ári kóńildi otyrys uiymdastyrdy. Ákim Serjan Imanqulov pen onyń qyzmetkerleri bul týrizmdi damytý máseleleri boiynsha keńes bolǵanyna sendirip otyr.
Sheneýnikter endi keseneniń ishinde túski as ishetin jaǵdaiǵa jetipti", - dep jazdy arna.
Óńirdegi Ǵabdýl Ýahit Haziret kesenesi 2012 jyly boi kótergen. Ol Sharbaqty aýdanyndaǵy Arbaigen aýylynan 15 shaqyrym qashyqta, "Ertis ormany" memlekettik orman tabiǵi rezervatynyń aýmaǵynda ornalasqan.
Ǵabdyl-Ýahit - Haziret Arbigen aýylynyń mańyna meshit salyp, imam bolǵan kisi. Ol 1926 jyly qaitys bolǵannan keiin qabiri musylmandardyń qajylyq orny sanalǵan. 1953 jyly áýlieniń jerlengen jerine kesene salyndy. Biraq órtterden ziian kelip, 2012 jyly halyq aqshasyna jańa kesene salynǵan.
Keseneniń resmi saityndaǵy málimetke súiensek, munda qajylarǵa arnalǵan bir qabatty úi bar. Bul jerge kelýshilerdi shyraqshy qarsy alady.
Al aýdan ákimi Serjan Imanqulov bul qyzmetine byltyr 7 qarashada kelgen.
