Aqmola oblysy Tselinograd aýdanyndaǵy Qaraótkel aýylynyń ákimi Baýrjan Abzalbekov qyzmetinen ketti, dep habarlaidy Dala News.
Aýdan ákimdiginiń málimetinshe, ol qyzmetten óz erkimen ketý týraly ótinish jazǵan. Qujat aýmaqtyq sailaý komissiiasyna joldanyp, keiin aýdan ákimdigine usynys retinde túsken. Onyń ókilettik merziminiń aiaqtalýyna eki jyl qalǵan edi.
Qazirgi ýaqytta aýyl ákimi laýazymy bos tur. Jańa ákimdi sailaý merzimi ázirge belgisiz.
Eske salaiyq, 2025 jyldyń jeltoqsanynda Abzalbekov jumys ýaqytynan tys kezde politsiia qyzmetkerlerimen birge jergilikti turǵynnyń úiine eskertýsiz barǵan. Bul turǵyn buǵan deiin Memleket basshysyna shaǵymdanǵan bolatyn. Áleýmettik jelide taraǵan videoda ákim «máseleni basqa jolmen sheshýge bolady» degen mazmunda pikir aitqan. Bul jaǵdai qoǵamda úlken rezonans týdyrdy.
Osy oqiǵadan keiin oǵan Ádep kodeksin buzǵany úshin qatań sógis jariialanǵan. 2026 jyldyń aqpanynda qyzmetine tolyq sáikes emestigi týraly eskertý alǵan. Qaitalanǵan jaǵdaida jumystan teris sebeptermen bosatylýy múmkin edi.
Nátijesinde ákim óz erkimen qyzmetinen ketý týraly sheshim qabyldady.
