Shymkentte qolastyndaǵylardy urǵan aýdan ákimi jazalandy, dep habarlaidy Dalanews.kz.
Komissiia sheneýniktiń áreketterinde zańbuzýshylyq bar ekenin anyqtady. Nátijesinde oǵan tártiptik jaza retinde tolyq emes qyzmettik sáikestik týraly eskertý berildi. Bul sheshimge qala ákimi qol qoiǵan.
Qosymsha tekserister júrgizilgen joq. Komissiia qorytyndysymen shektelip, memlekettik qyzmetshilerge qyzmettik ádep normalaryn saqtaý qajettigi eskertildi.
Eske salaiyq, Shymkentte aýdan ákiminiń qolastyndaǵylardy soqqyǵa jyqqan videosy taraǵan bolatyn. Videony zańger Aigúl Orynbek jariialady. Onyń sózinshe, oqiǵa byltyr qazan aiynda bolǵan.
Qala ákimdigi aýdan ákiminiń qolastyndaǵylardy urǵan videosy taraýyna bailanysty tekseris júrgiziletinin málimdegen edi.
