شىمكەنتتە قولاستىنداعىلاردى ۇرعان اۋدان اكىمى جازالاندى، دەپ حابارلايدى Dalanews.kz.
كوميسسيا شەنەۋنىكتىڭ ارەكەتتەرىندە زاڭبۇزۋشىلىق بار ەكەنىن انىقتادى. ناتيجەسىندە وعان تارتىپتىك جازا رەتىندە تولىق ەمەس قىزمەتتىك سايكەستىك تۋرالى ەسكەرتۋ بەرىلدى. بۇل شەشىمگە قالا اكىمى قول قويعان.
قوسىمشا تەكسەرىستەر جۇرگىزىلگەن جوق. كوميسسيا قورىتىندىسىمەن شەكتەلىپ، مەملەكەتتىك قىزمەتشىلەرگە قىزمەتتىك ادەپ نورمالارىن ساقتاۋ قاجەتتىگى ەسكەرتىلدى.
ەسكە سالايىق، شىمكەنتتە اۋدان اكىمىنىڭ قولاستىنداعىلاردى سوققىعا جىققان ۆيدەوسى تاراعان بولاتىن. ۆيدەونى زاڭگەر ايگۇل ورىنبەك جاريالادى. ونىڭ سوزىنشە، وقيعا بىلتىر قازان ايىندا بولعان.
قالا اكىمدىگى اۋدان اكىمىنىڭ قولاستىنداعىلاردى ۇرعان ۆيدەوسى تاراۋىنا بايلانىستى تەكسەرىس جۇرگىزىلەتىنىن مالىمدەگەن ەدى.
