Pavlodar oblysynda áıel adamnyń máıiti tabyldy, dep habarlaıdy Dalanews.kz.
Áleýmettik jelilerde marqumnyń denesi tabylǵan beınejazba tarady. Aldyn ala málimetterge sáıkes, máıit feroqorytpa zaýytyna jaqyn aýmaqtan, birneshe shaqyrym qashyqta anyqtalǵan.
Atalǵan jaıtqa baılanysty Pavlodar oblystyq Polısıa departamenti málimdeme jasady.
“Áıeldi óltirý deregi boıynsha Aqsý qalasynda qylmystyq is qozǵaldy. Polısıa kúdiktini ustap, ýaqytsha ustaý ızolátoryna qamady. Oqıǵanyń barlyq mán-jaıyn anyqtaýǵa baǵyttalǵan qajetti tergeý sharalary júrgizilýde”, - dedi vedomstvo.
