ەلەۋمەتتٸك جەلٸدە پاۆلودار وبلىسىنداعى اۋدانداردىڭ بٸرٸنٸڭ ەكٸمٸنە قاتىستى داۋلى ۆيدەو تارادى. جەلٸدە پايدا بولعان اقپاراتتا اۋدان ەكٸمٸ كەسەنەنٸڭ ٸشٸندە وتىرىس ۇيىمداستىرعانى ايتىلادى, - دەپ حابارلايدى Dalanews.kz.
بۇل دەرەك egovpress Telegram-ارناسىندا جارييالاندى.
"پاۆلودار وبلىسى شارباقتى اۋدانىنىڭ ەكٸمٸ عابدۋل-ۋاحيت حازٸرەت كەسەنەسٸنٸڭ ٸشٸندە ٶز قاراماعىنداعىلارعا قىزىق ەرٸ كٶڭٸلدٸ وتىرىس ۇيىمداستىردى. ەكٸم سەرجان يمانقۇلوۆ پەن ونىڭ قىزمەتكەرلەرٸ بۇل تۋريزمدٸ دامىتۋ مەسەلەلەرٸ بويىنشا كەڭەس بولعانىنا سەندٸرٸپ وتىر.
شەنەۋنٸكتەر ەندٸ كەسەنەنٸڭ ٸشٸندە تٷسكٸ اس ٸشەتٸن جاعدايعا جەتٸپتٸ", - دەپ جازدى ارنا.
ٶڭٸردەگٸ عابدۋل ۋاحيت حازٸرەت كەسەنەسٸ 2012 جىلى بوي كٶتەرگەن. ول شارباقتى اۋدانىنداعى اربايگەن اۋىلىنان 15 شاقىرىم قاشىقتا, "ەرتٸس ورمانى" مەملەكەتتٸك ورمان تابيعي رەزەرۆاتىنىڭ اۋماعىندا ورنالاسقان.
عابدىل-ۋاحيت - حازٸرەت اربيگەن اۋىلىنىڭ ماڭىنا مەشٸت سالىپ, يمام بولعان كٸسٸ. ول 1926 جىلى قايتىس بولعاننان كەيٸن قابٸرٸ مۇسىلمانداردىڭ قاجىلىق ورنى سانالعان. 1953 جىلى ەۋليەنٸڭ جەرلەنگەن جەرٸنە كەسەنە سالىندى. بٸراق ٶرتتەردەن زييان كەلٸپ, 2012 جىلى حالىق اقشاسىنا جاڭا كەسەنە سالىنعان.
كەسەنەنٸڭ رەسمي سايتىنداعى مەلٸمەتكە سٷيەنسەك, مۇندا قاجىلارعا ارنالعان بٸر قاباتتى ٷي بار. بۇل جەرگە كەلۋشٸلەردٸ شىراقشى قارسى الادى.
ال اۋدان ەكٸمٸ سەرجان يمانقۇلوۆ بۇل قىزمەتٸنە بىلتىر 7 قاراشادا كەلگەن.
