Belarýste ózin shirkeý qyzmetkeri retinde tanystyryp, zańsyz dini top qurdy degen kúdikpen 40 jastaǵy er adam ustaldy, dep habarlaidy dalanews.kz.
Tergeý málimetinshe, ol internet arqyly «dini qyzmetter» usynyp, adamdardy óz úiine jinaǵan. Alaida dini rásimderdiń ornyna intimdik sipattaǵy toptyq keshter uiymdastyrǵany aitylady.
Sondai-aq kúdikti óziniń AITV juqtyrǵanyn qatysýshylardan jasyrǵan. Quqyq qorǵaý organdary munyń ózge adamdardyń densaýlyǵy men ómirine qaýip tóndirgenin málimdedi.
Er adam shirkeý salýǵa qarjy jinaitynyn aityp, jurttan qaiyrymdylyq kómek alǵan. Alaida tergeý nusqasy boiynsha, jinalǵan qarajatty ishimdikke jumsaǵan.
Belarýs Ishki ister ministrliginiń habarlaýynsha, kúdikti buǵan deiin kámeletke tolmaǵandarǵa qatysty azǵyn áreketteri jáne pornografiialyq materialdar taratqany úshin jaýapqa tartylǵan.
Qazirgi ýaqytta oǵan zańsyz dini uiym qurý jáne pornografiia taratý derekteri boiynsha qylmystyq is qozǵaldy. Kúdikti ýaqytsha ustaý izoliatoryna qamaldy.
